निलंगा येथील सभेत काँग्रेस आमदार अमित देशमुख यांनी भाजपचे संभाजी पाटील निलंगेकर यांच्यावर टीकेची झोड उठवली.
“ते माझी सतत आठवण काढतात” अशा शब्दांत देशमुखांनी हल्लाबोल करत वातावरण रंगवले.
निलंग्यात काँग्रेस-भाजप प्रचाराची रणधुमाळी उडाली असून दोन्ही बाजूंकडून जोरदार टीका-टिप्पणी सुरू आहे.
राम काळगे
Nilanga Local Body Election : नगरपालिकेच्या निवडणुकीच्या प्रचार अंतिम टप्यात पोहचला आहे. तशी प्रचाराची रंगत, आरोप-प्रत्यारोपांची धार वाढू लागली आहे. देशमुख विरुद्ध निलंगेकरांचा सामना कोणत्याही निवडणुकीत जिल्ह्याच्या राजकारणात चर्चेचा विषय ठरत असतो. तसा तो यावेळीही ठरत आहे. काँग्रेसचे नेत तथा लातूरचे आमदार अमित देशमुख यांनी निलंगा नगरपालिकेसाठी जोर लावला आहे. भाजपचे आमदरा संभाजी पाटील निलंगेकर यांच्याकडून वारंवार होणाऱ्या टीकेवरून निलंग्याच्या आमदारांना माझ्या आठवणीने उचक्या लागतात, असा टोला अमित देशमुख यांनी प्रचार सभेतून लगावला.
या निवडणुकीमध्ये सामान्य माणसाची चर्चा झाली पाहिजे, सामान्य माणसाच्या प्रश्नावर चर्चा झाली पाहिजे. परंतु एक म्हणतो महाराष्ट्राच्या तिजोरीची चावी माझ्याकडे आहे, दुसरा म्हणतो महाराष्ट्राच्या तिजोरीचा मालक मी आहे. तिसरा म्हणतोय असेल चावी एखाद्याकडे असेल मालक कोणी? दुसरा परंतू तिसरा काय म्हणतोय तिजोरीतील जो माल आहे तो माझ्याकडे आहे. त्यामुळे राम नाम जपणा पराया माल अपना, असे फक्त सौदेबाजीचे राजकारण सुरु असल्याची टीका अमित देशमुख यांनी केली.
मतदान विकत घेण्यासाठी सौदे सुरू आहेत, आम्ही मत विकत घेऊ सरकार आणू एकदा सरकार आलं की पुन्हा सामान्य माणसाची लूट करू असा कारभार सध्या सुरू असल्याचा आरोप अमित देशमुख यांनी केला. अलीकडे निलंग्याला माझे येणं जाणं वाढले आहे. मला उचक्या लागलं की निलंग्याचा आमदार तुमची आठवण करत आहे, असे सांगितले जाते. लातूरच्या आमदाराची आठवण निलंग्याच्या आमदार करीत आहे म्हटल्यावर येणे भाग आहे, असा चिमटाही त्यांनी संभाजी पाटील निलंगेकरांना काढला.
निवडणूक हे निमित्त आहे मी तुमच्यासाठी आलो आहे. लोकसभा निवडणुकीला आलो, विधानसभेच्या निवडणुकीला आलो आणि आज नगरपालिकेचे निवडणुक प्रचारालाही आलो आहे. निलंग्याची निवडणूक ही देशमुख विरुद्ध निलंगेकर नाही तर हजारो निलंगेकरांची आहे. एकट्या निलंगेकरची नाही सामान्य माणसाची सामान्य निलंगेकरांची ही निवडणूक आहे. त्यामुळे निवडणुकीच्या मूळ प्रश्नापासून दूर नेण्यासाठी हा खटाटोप आहे. मूळ प्रश्नाला बगल देण्यासाठी दुसरीकडे घेऊन जाणे हे प्रकार नवीन नाहीत.
निलंगा नगरपालिकेचे सूत्र हे सामान्य माणसाच्या हातात राहिले पाहिजे यालाच लोकशाही म्हणतात. डॉ. शिवाजीराव पाटील निलंगेकर साहेबांकडून आम्ही खूप शिकलो. त्यांच्या कामाचे कौशल्य वेगळे होते. आदरणीय विलासराव देशमुख साहेब, शिवराज पाटील चाकूरकर साहेब, दिलीपराव देशमुख साहेब यांनी लातूर जिल्ह्याच्या विकासासाठी मोठं योगदान दिलं. जिल्ह्याला प्रगतीपथावर घेऊन गेले, जगाच्या नकाशावर नेण्याचे काम त्यांनी केलं त्या विचाराची आम्ही पाईक आहोत.
तो विचार घेऊन आम्ही तुमच्यासमोर आलो आम्ही काम करून दाखवलं आहे. आमच्या कारकीर्दीला पन्नास वर्षात कधीही गालबोट लागले नाही. कारभार गतिमान व भ्रष्टाचार मुक्त राहिला, सामान्य माणसाला केंद्रबिंदू म्हणून आम्ही काम केलं, तेच काम यापुढे आम्हाला करायचे आहे. मात्र निलंगा नगरपालिकेचे तिजोरीच चोरीला गेलेली आहे. राम नाम जपणा पराया माला अपना असा प्रकार सध्या सुरू असल्याचा पुनरुच्चार देशमुखांनी केला. सत्तेसाठी निधीचे आमिष दाखवले जाते, पण नगरपालिकेचा निधी कोणी रोखू शकत नाही? केंद्राकडून खासदार काळगे निधी आणण्यासाठी सक्षम आहेत. तर राज्याकडून निधी आणण्यासाठी अमित देशमुख सक्षम आहे, असेही ते म्हणाले.
1. निलंगा सभेत अमित देशमुखांनी कोणावर टीका केली?
भाजप नेते संभाजी पाटील निलंगेकर यांच्यावर.
2. देशमुखांचे मुख्य वक्तव्य काय होते?
ते म्हणाले की, “ते माझी सतत आठवण काढतात”.
3. ही सभा कुठे झाली?
निलंगा येथे प्रचार सभेत.
4. या वक्तव्याची चर्चा का रंगली?
भाजप-काँग्रेस संघर्ष अधिक उग्र झाला म्हणून.
5. या सभेचा निवडणूक प्रचारावर काय परिणाम?
दोन्ही पक्षांचा संघर्ष तीव्र होत असून मतदारांचे लक्ष वेधले गेले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.