Chhatrapati Sambhajinagar : पंतप्रधान आवास योजनेच्या टेंडरमध्ये घोटाळा? नऊ ठिकाणी ईडीची छापेमारी

ED raids News : छत्रपती संभाजीनगरमध्ये ईडीकडून छापेमारी करण्यात आली आहे. प्रधानमंत्री आवास योजनेच्या निविदा वाटपातील अनियमिततेच्या संदर्भात ही कारवाई करण्यात आली आहे.

छत्रपती संभाजीनगर, पुणे आणि अकोला अशा तब्बल नऊ ठिकाणी ईडीकडून छापेमारी करण्यात आली आहे. छापेमारीदरम्यान विविध आरोप करणारी कागदपत्रे जप्त करण्यात आली आहेत. या कारवाईची माहिती ईडीने ट्विटरवर दिली आहे.

पंतप्रधान आवास योजनेत घोटाळ्याप्रकरणी ही कारवाई करण्यात आली आहे. तर या आधी तीन दिवसांपूर्वीही पुणे, अकोला आणि छत्रपती संभाजीनगरमध्ये ईडीने छापेमारी केली होती.

ईडीने शुक्रवारी छत्रपती संभाजीनगर शहरातील दोन बड्या बांधकाम व्यावसायिकांच्या कार्यालयासह निवासस्थानी झडती घेतली होती. तसेच पथकाने कागदपत्रांची तपासणी केली होती.

दरम्यान, पंतप्रधान आवास योजनेच्या निविदा गैरव्यवहाराबाबत ही कारवाई करण्यात येत असल्याची चर्चा आहे. या कारवाईबाबत गोपनीयता बाळगली जात असून नेमंक कोणावर कारवाई झाली? याबाबत अद्याप अधिकृत माहिती मिळू शकली नाही.