Chhatrapati Sambhajinagar : राजकारण तापलं! छत्रपती संभाजीनगरमधील औरंगजेबाची कबर काढा: शिरसाटांची मागणी

Chhatrapati Sambhajinagar : छत्रपती संभाजीनगर (Chhatrapati Sambhajinagar) नामांतराविरोधात एआयएमआयएमचे खासदार इम्तियाज जलील यांनी गेल्या दोन-तीन दिवसांपासून उपोषण सुरु केलं आहे. छत्रपती संभाजीनगर नावाला विरोध दर्शवण्यासाठी सुरू झालेल्या साखळी उपोषणात औरंगजेबाचे पोस्टर झळकावल्यामुळे खळबळ उडाली होती. यावरुन आता राजकारण तापू लागलं आहे.

असे असतानाच शिंदे गटाचे आमदार संजय शिरसाट यांनी मोठी वक्तव्य केलं आहे. छत्रपती संभाजीनगर जिल्ह्यातील औरंगजेबाजी कबर काढून टाका, अशी मागणीच शिरसाट यांनी केली आहे. याबाबत आपण पंतप्रधान नरेंद्र मोदी आणि मुख्यमंत्री एकनाथ शिंदे यांच्याकडे लेखी मागणी करणार असल्याचही शिरसाटांनी म्हटलं आहे. यामुळे नव्या वादाची ठिणगी पेटण्याची शक्यता निर्माण झाली आहे.

औरंगाबाद जिल्ह्याचे नाव छत्रपती संभाजीनगर झाल्याने याचे सर्वात जास्त दु:ख हैदराबादींना झाले आहे. त्यामुळे ते लोकं उपोषणाच्या नावाखाली शहराला वेठीस धरत आहे. शहराचे नाव बदलणे म्हणजे अत्याचारी औरंगजेबाविरोधातील हा लढा आहे. त्याचं वाईट वाटायचं काय कारण, असा सवालही शिरसाटांनी केला आहे. तुम्ही औरंगजेबाचे वंशज आहात का? असा सवाल त्यांनी केला आहे. उपस्थित केला. औरंगजेबाच्या कबरेचे अवशेष आमच्या इथं नको.ही कबर काढून घ्यावी, अशी मागणी आपण पंतप्रधान आणि मुख्यमंत्र्यांकडे करणार असल्याची माहिती शिरसाट यांनी दिली आहे.