Imtiaz Jalil On Shirsat : एक ते आणि दुसरे हे `संजय`, शिंदेसाहेब शिरसाटांना लवकर मंत्री करा..

Aimim : शिंदेसाहेब तुमचे आमदार संजय शिरसाट रोज टीव्हीवर येवून तुमच्यासाठी भांडत असतात, काहीतरी बोलत असतात. एक शिवसेनेतले संजय राऊत (Sanjay Raut) आणि दुसरे संजय शिरसाट, लवकर त्यांना मंत्री करा. तुम्ही त्यांना मंत्री करत नसल्याने ते सगळा राग आमच्यावर काढत आहेत, असा खोचक टोला खासदार इम्तियाज जलील यांनी लगावला.

महाविकास आघाडीच्या कालच्या सभेत उद्धव ठाकरे यांनी इम्तियाज जलील यांच्यावर टीका केली नसल्याचा मुद्दा संजय शिरसाट (Sanjay Shirsat) यांनी उपस्थितीत केला होता. आम्ही साॅफ्ट काॅर्नर असल्यामुळे ठाकरे आमच्यावर टीका करतात, इम्तियाज जलील (Imtiaz Jalil) यांचे आम्ही काय ऐकायचे, असेही शिरसाट म्हणाले होते.

यावर इम्तियाज यांना प्रतिक्रिया विचारली असता त्यांनी शिरसाटांना टोला लगावला. इम्तियाज म्हणाले, शिंदे सरकारने माझे नाही, पण किमान आपल्या पक्षाच्या आमदाराचे तरी ऐकावे. संजय शिरसाट हे शिंदेंच्या शिवसेनेतील दुसरे राऊत झाले आहेत. रोज टीव्हीवर येवून बडबड करत असतात. त्यांना मंत्री होण्याची इच्छा आहे, पण शिंदेसाहेब काही त्यांना मंत्री करत नाहीत.

माझी तर मागणी आहे आमच्या शहराला चौथा मंत्री लवकर द्या, संजय शिरसाट यांना मंत्री करा. मंत्रीपद मिळत नसल्याने ते त्याचा सगळा राग आमच्यावर काढत आहेत. उद्धव ठाकरे यांनी सभेत माझ्यावर टीका केली नाही, त्याबद्दल धन्यवाद. प

ण लोकांना पिण्यासाठी दररोज पाणी, स्वच्छ शहर, चांगले रस्ते, आरोग्य सुविधा, रोजगार पाहिजे आहे. पण त्यावर ठाकरे काहीच बोलले नाही, हिंदुत्वावर बोलत त्यांनी विकास नाही तर हिंदुत्व हाच आपला अजेंडा असल्याचे दाखवून दिल्याची टीका देखील इम्तियाज यांनी केली.