Suresh Dhas News : संतोष देशमुख हत्या प्रकरणात कारवाईच्या मागणीसाठी सुरेश धस आक्रमक झाले आहेत. आका आणि आकाचा आका म्हणत ते वाल्मिक कराड, मंत्री धनंजय मुंडे यांना टार्गेट करत आहेत. आता 15 महिन्यांपासून प्रलंबित असलेल्या महादेव मुंडे हत्येच्या तपासाला गती मिळावी,यासाठी बीडचे जिल्हा पोलिस अधीक्षक नवनीत कांवत यांची भेट घेतली.
सुरेश धस यांनी पोलीस अधीक्षक नवनीत कांवत यांच्या भेटीत महादेव मुंडे यांच्या हत्येचा तपास गुन्हे अन्वेषण विभागाकडे देण्यात यावा, अशी मागणी केली. तसेचमस्साजोग येथील सरपंच संतोष देशमुख हत्याकांड व परळी मतदारसंघात झालेल्या विविध हत्याकांड, खंडणी प्रकरणांत पोलिसांनी गुन्हेगारांना उघडपणे पाठीशी घातल्याचे समोर येत आहे. ही बाब पोलिस खात्याच्या विश्वासाहर्तेला धक्का लावणारी आहे, अशी टीका केली.
महादेव मुंडे हत्या प्रकरणात सखोल तपास करून दोषी पोलीस अधिकारी आणि कर्मचारी यांना तातडीने सेवामुक्त करण्यात यावे, अशी मागणी देखील धस यांनी पोलिस अधीक्षकांकडे केली.
पोलिस अधिक्षकांची भेट घेतल्यानंतर माध्यमांशी बोलताना सुरेश धस म्हणाले, पोलिस अधीक्षकांनी कबुल केले आहे की परळी पोलिस हा तपास करणार नाहीत. हे प्रकरण एलसीबीकडे देण्यात येईल. पण आकाने तेथे शेख की कोण याला तेथे बसवले आहे. त्यामुळे शेख वगळून जबाबदारी द्या अशी विनंती पोलिस अधिक्षकांना केली आहे.
सुरेश धस म्हणाले की, संतोष देशमुख हत्या प्रकरणी आत सीआयडीचे बसवराज तेली यांची मी सोमवारी भेट घेणार आहे. माझ्याकडे जी माहिती आली आहे त्यानुसार कुणाकुणाचे नंबर चेक करायचे याबद्दल त्यांना बोलणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.