Vasmat BJP News: भाजपमध्ये नक्की चाललंय काय? पदाधिकाऱ्यांचा रस्त्यावरच धुडगूस!

Vasmat Crime News :हिंगोली जिल्ह्यातील वसमतमधील (Hingoli) भाजपमध्ये काय चालले आहे, असा प्रश्न सामान्य नागरिकांना पडला आहे. वसमत भाजपचे जिल्हा उपाध्यक्ष शिवदास बुडेवार यांच्यासह सहा ते सात जणांनी रस्त्यावर हाणामारी करत धुडगूस घातल्याची घटना घडल्याची माहिती समोर येत आहे.

याप्रकरणी बुडेवार यांच्यासह आठ जणांवर वसमत (Vasmat) पोलिसांनी गुन्हा दाखल केला आहे. भाजपच्या या कार्यकर्त्यांनी रस्त्यावरच हाणामारी केल्याची माहिती पोलिसांनी दिली. काळीपेठ भागात हा प्रकार घडला. यातील काही जण फरार असून पोलिस त्यांचा शोध घेत आहेत.

गोविंद येजगे, बालाजी कदम, जबी खान पठाण, शेख अल्ताफ, शेख युसुफ, शेख अनिस, शेख इक्बाल, संकेत नगपल्ली यांच्यासह इतर दोघांवर गुन्हा दाखल केल्या असल्याचे वसमत पोलिसांनी सांगितले.