Congress Setback : काँग्रेसला मोठा झटका, विधानपरिषद निवडणुकीतून उमेदवाराची माघार, कारणही सांगितलं!

MLC Election : विधान परिषद निवडणुकीत मोठा ट्विस्ट आला आहे. महाविकास आघाडीने ही निवडणूक लढण्याचे जाहीर केले. मात्र, आता त्यांचे उमेदवार माघार घेताना दिसत आहे. नाशिकची जागा मविआमध्ये ठाकरेंच्या शिवसेनेकडून लढल जात होती. येथून अनिल कदम यांनी उमेदवार असणार होते. त्यांचे नाव ही निश्चित झाले होते. मात्र अखेरच्या क्षणी त्यांनी माघार घेत अर्जच दाखल केला नाही.

कदम यांच्या नंतर आता यवतमाळमध्ये मविआमध्ये काँग्रेसकडून उमेदवारी मिळालेल्या साहेबराव कांबळे यांनी सपशेल माघार घेतली आहे. कांबळे यांचा अर्ज वैध ठरल्यानंतर ही निवडणूक चुरशीची होईल, असे बोलले जात होते. मात्र, काँग्रेसकडून उमेदवारी मिळालेल्या साहेबराव कांबळेंनी महाविकास आघाडीकडे संख्याबळ नाही, असे म्हणत निवडणुकीतून माघार घेतली आहे.

साहेबराव कांबळे म्हणाले, देशाचे नेते राहुल गांधी, सोनिया गांधी, खर्गेसाहेब यांनी माझ्यावर विश्वास ठेऊन उमेदवारी जाहीर केली होती. त्यानुसार मी उमेदवारी अर्ज दाखल केला होता. एका मागासवर्गीय माणसाला विधान परिषदेचे तिकीट देणं ही फार मोठी गोष्ट आहे. माझ्यासाठी ही गौरवाची बाबा आहे. मात्र, सगळी जुळवाजुळव करत असताना महाविकास आघाडीकडे संख्याबळ कमी आहे. नगसेवकांचया संख्येवर ही निवडणूक अवलंबून आहे, महाविकास आघाडीकडे तेवढी संख्या नाही.

पुढे बोलताना ते म्हणाले, ही निवडणूक लढत असताना साम दाम दंड भेदचा वापर करावा लागतो. या निवडणुकीत नगरसेवक मतदान करत असतात मात्र महाविकास आघाडीकडे नगरसेवकांची तेवढी संख्या नाही. मी फाॅर्म भरला नसता तर मविआकडे कोणी नाही असा संदेश गेला असता. मात्र, संख्याबळ नसल्याने माघार घेतली.

बंडोखोरांना थांबवण्याचे आवाहन

महायुतीमध्ये तब्बल आठ ठिकाणी बंडखोरी झाली आहे. आज भाजपचे प्रदेशाध्यक्ष रवींद्र चव्हाण यांनी पत्रकार परिषद घेत बंडखोरांना बंड थंड करण्याचे आवाहन केले. वरिष्ठ नेत्यांशी बोलून बंडखोरांनी अर्ज मागे घ्यावेत असे ते म्हणाले आहेत.