Operation Tiger : 'ऑपरेशन टायगर'ला ठाकरेंचा वाघ नडला, शिंदेंच्या शिवसेनेकडून नंतर सावरासावर! काय आहे प्रकरण?

Rajabhau Waje News: राज्यात पुन्हा एकदा उपमुख्यमंत्री एकनाथ शिंदे यांच्या 'ऑपरेशन टायगर'ची चर्चा आहे. ही चर्चा काल्पनिक की राजकीय डावपेचाचा भाग असल्याची चर्चा सुरू आहेत. उद्धव ठाकरे यांना दबावत आणण्यासाठी हे प्रकार सुरू असल्याचे सांगितले जात आहे.

'ऑपरेशन टायगर' एक वर्षापासून चर्चेत आहे. मात्र शिवसेनेच्या काही खासदारांची ठाम भूमिका शिंदेंचे मनसुबे उधळण्यास कारणीभूत ठरल्याची चर्चा आहे. त्यामुळेच ऑपरेशन टायगरवर उपमुख्यमंत्री शिंदे यांनाच खुलासा करावा लागला.

ऑपरेशन टायगर प्रश्नावर प्रारंभी खासदार अरविंद सावंत आणि त्यानंतर खासदार वाजे यांनी उघडपणे आव्हान दिले. त्यामुळे ऑपरेशन टायगरच्या चर्चांचा फायदा घेणाऱ्या शिंदेंच्या शिवसेनेतील नेत्यांना पुढे येत असे ऑपरेशन टायगर सुरू नसल्याचे सांगावे लागले. खुद्द उपमुख्यमंत्री एकनाथ शिंदे यांनी खुलासा करत ऑपरेशन टायगर आणि बैठका या केवळ अफवा असल्याचे सांगितले.

ऑपरेशन टायगरच्या चर्चेनंतरखासदार राजाभाऊ वाजे यांनी आपली ठाम भूमिका मांडत म्हटले होते की, जोपर्यंत शिवसेना उद्धव ठाकरे पक्ष आहे तोपर्यंत आपण त्या पक्षाचे कार्यकर्ते असू. अन्य पक्षात जाण्याचा विषयाच नाही. मी आज शिवसेना उद्धव बाळासाहेब ठाकरे पक्षाचा खासदार आहे. उद्याही त्याच पक्षाचा खासदार राहील. माझी भूमिका बदलण्याचा प्रश्नच नाही. त्यामुळेच माझ्याशी कोणीही संपर्क करण्याचा प्रयत्न केलेला नाही, असे खासदार वाजे यांनी सांगितले.

ठाकरेंच्या शिवसेनेतील एका वरिष्ठ नेत्याने सांगितले की, 'ऑपरेशन टायगर' या विषयी स्पष्ट सांगितले की, राज्यात महायुतीची सत्ता आहे. तरीही सातत्याने ठाकरेंची शिवसेना आणि शरद पवारांची राष्ट्रवादीच्या आमदार आणि खासदारांबाबत बातम्या पेरल्या जातात.

विरोधकांना दबावाखाली ठेवण्याचे हे भाजपचे राजकीय डाव आहेत. ऑपरेशन टायगर या माध्यमातून खासदारांना अमिष दाखविण्याची प्रकार झाले. पक्षांतर बंदी नियमानुसार आवश्यक संख्या जुळविणे हे त्यांना शक्य झालेले नाही.