Kashinath Chaudhary joins BJP : महाविकास आघाडी सरकारचा काळ होता. 16 एप्रिलच्या 2022 रात्रीचे दोन साधू सुरतकडे निघाले होते. या साधुंचे वाहन पालघरच्या गडचिंचले इथं थांबवून जमावाने निर्घृणपणे हत्या केली. या घटनेवर भाजपने महाविकास आघाडीने तत्काली मुख्यमंत्री उद्धव ठाकरे यांच्या नेतृत्वाखाली असलेल्या महाविकास आघाडी सरकारविरोधात आरोपांची राळ उडली.
विशेष म्हणजे एकनाथ शिंदे यांनी शिवसेनेत केलेल्या बंडावेळी साधू हत्याचे देखील कारण दिले होते. याच साधू हत्येतील प्रमुख आरोपी काशिनाथ चौधरी याला भाजप पक्षात प्रवेश मिळाला आहे. नगरपालिकेच्या निवडणुकीच्या तोंडावर हा प्रवेश देण्यात आला आहे
पालघर (Palghar) जिल्ह्यातील गडचिंचले साधू हत्याकांड प्रकरणातील मुख्य आरोपी म्हणून काशिनाथ चौधरी याच्यावर भाजप नेत्यांनी आरोपांची राळ उडवली होती. त्याच काशिनाथ चौधरी याने रविवारी नगरपालिका निवडणुकीच्या तोंडावर भाजपमध्ये प्रवेश केला. त्याच्या या प्रवेशानंतर भाजपने केलेल्या आरोपांचे काय झाले? असा प्रश्न जिल्ह्यातील राष्ट्रवादी काँग्रेस पार्टी शरदचंद्र पवार पक्षाचे नेते विचारीत आहेत.
काशिनाथ चौधरी याने जोरदार शक्तिप्रदर्शन करत भाजपमध्ये (BJP) जाहीर पक्ष प्रवेश केला. खासदार हेमंत सावरा आणि भाजप जिल्हाध्यक्ष भरत रजपूत यांच्या उपस्थितीत डहाणू इथं काशिनाथ चौधरी याने कमळ हाती घेतले. काशिनाथ चौधरी याच्यासह अनेक कार्यकर्त्यांनी भाजपमध्ये पक्षप्रवेश केला.
काशिनाथ चौधरी हा साधू हत्या प्रकरणातील मुख्य आरोपी असल्याचे सांगून त्यावेळी भाजपने राज्यात रान उठवले. या साधू हत्याकांडावरून तत्कालीन ठाकरेंच्या महाविकास आघाडी सरकारवर अनेक गंभीर आरोप झाले. राज्यासह देशात या साधू हत्याकांडाची बरीच चर्चा झाली. महाविकास आघाडी सरकार यातून अडचणी देखील आले.
दरम्यान, याच साधू हत्याकांडाचा संदर्भ एकनाथ शिंदे यांनी बंडावेळी दिला होता. साधू हत्याकांड सहन झाले नाही म्हणून, उठाव केला. पण आता या हत्याकांडाचे आरोप असलेला प्रमुख आरोपी काशिनाथ चौधरी याने भाजपमध्ये प्रवेश केला आहे. काशिनाथ चौधरी हा भाजपमध्ये आल्याने एकनाथ शिंदेंनी केलेल्या त्या आरोपांचे काय झाले? असा प्रश्न आता केला जाऊ लागला आहे.
16 एप्रिलच्या 2022 रात्री सुरतकडे निघालेल्या दोन साधू व त्यांच्या चालकांची गडचिंचले इथं जमावानं अत्यंत निर्घृणपणे हत्या केली. या हत्याकांडात पुढं महाविकास आघाडी सरकार अडचणीत आले. पोलिसांनी या प्रकरणी 200 जणांना अटक केली होती. तसंच या प्रकरणात 108 साक्षीदारांचे जबाब नोंदवण्यात आले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.