Satara NCP News : राष्ट्रवादी अंतर्गत मतभेद; औद्योगिक सेलच्या जिल्हाध्यक्षाचा राजीनामा

-अश्पाक पटेल

Satara NCP News : स्थानिक पातळीवरील राष्ट्रवादी मधील मतभेदामुळे जिल्हा औद्योगिक सेलचे अध्यक्ष दत्तात्रय ऊर्फ बंडु ढमाळ यांनी आज तडकाफडकी आपल्या पदाचा राजीनामा दिला . यामुळे तालुक्याच्या राष्ट्रवादीच्या गोटात विविध राजकीय तर्कविर्तकांना आज दिवसभर उधाण आले .

दत्तात्रय ऊर्फ बंडु ढमाळ यांनी आपल्या राजीनामा राष्ट्रवादी NCP उदयोग व व्यापार विभागाच्या प्रदेशाध्यक्षाकडे सोपवला असुन आपण दिलेल्या पदाचा जबाबदारीने निर्वहण केले . मात्र, गेल्या काही दिवसांपासुन स्थानिक पातळीवर पक्ष संघटनेच्या मतभेदाच्या पार्श्वभूमीवर हा राजीनामा Resign देत असल्याचे त्यांनी पत्रकांत म्हटले आहे.

यामुळे राष्ट्रवादी मधील स्थानिक पातळीवरील दुफळी उफाळुन आली आहे. तसेच राष्ट्रवादी अंतर्गत मतभेद असल्याचे या राजीनाम्यामुळे पुढे आले आहे. राष्ट्रवादीला सध्या आत्मचितंनाची गरज आहे. गत काही काळापासुन खंडाळा तालुक्यातील केवळ चार - पाच प्रस्थापित लोकांच्या बैठकीतून पक्ष सुरु आहे

पक्षामध्ये नवीन चेहर्‍यांना संधी देणे आवश्यक आहे . तरुण तुर्क यांना पक्ष संघटनेत काम करण्याची संधी मिळायला हवी. तरी राष्ट्रवादीने पक्ष संघटनेत भाकरी फिरुन चैतन्य निर्माण करावे, असे मत राष्ट्रवादी जिल्हाध्यक्ष बंडु ढमाळ यांनी स्पष्ट केले .