Jawali APMC : त्यांच्या हट्टीपणामुळे निवडणूक; आता आत्मपरिक्षण करा : शिवेंद्रराजेंचा दीपक पवारांना टोला

Jawali APMC News : एका व्यक्तीच्या हट्टीपणामुळे व ‘मी’ पणामुळे ही निवडणूक झाली. पण, आमचे सर्व उमेदवार मोठ्या मताधिक्क्याने विजयी झाले. तर त्यांच्या उमेदवारांना शंभरच्यावर मते मिळालेली नाहीत. त्यामुळे स्वत:ला वेगळ समजणाऱ्यांनी आता आत्मपरिक्षण करावे. तालुक्यातून ते हद्दपार झाले असून आगामी पंचायत समिती, जिल्हा परिषद निवडणुकीत आम्ही त्यांना जागा दाखवू, असा इशारा आमदार शिवेंद्रसिंहराजे भोसले Shivendraraje Bhosale यांनी दीपक पवार Deepak Pawar व सदाशिव सपकाळ यांना लगावला.

जावळी Jawoli, महाबळेश्वर बाजार समितीच्या निवडणुकीत शेतकरी विकास पॅनेलने निर्विवाद वर्चस्व मिळवले. तर विरोधकांना एकही जागा जिंकता आली नाही. या विजयानंतर जावळीत जल्लोष झाला. यानंतर शिवेंद्रसिंहराजेंशी पत्रकारांनी संवाद साधला. यावेळी विजयी उमेदवार व नेते मंडळी उपस्थित होती.

शिवेंद्रसिंहराजे म्हणाले, एका व्यक्तीच्या हट्टीपणामुळे व ‘मी’ पणामुळे ही निवडणूक झाली. काही लोकांना आपण काही तरी वेगळे आहोत, वेगळे करुन दाखवू शकतो अशी ‘मी’ पणाची बाधा झाली होती. यातून त्यांनी पॅनेल दिले. पण, आमचे शेतकरी विकास पॅनेलचे सर्व उमेदवार मोठ्या मताधिक्क्याने विजयी झाले.

तर त्यांच्या उमेदवारांना शंभरच्यावर मते मिळालेली नाहीत. त्यामुळे स्वत:ला वेगळ समजणाऱ्यांनी आता आत्मपरिक्षण करावे. आता तालुक्यातून ते हद्दपार झाले असून आगामी पंचायत समिती, जिल्हा परिषद निवडणुकीत आम्ही त्यांना जागा दाखवू, असा इशारा आमदार भोसले यांनी दिला.