'किसन वीर'ची निवडणूक : मकरंद पाटलांच्या पॅनेलची राखीव गटात आघाडी...

सातारा ः किसन वीर साखर कारखान्याच्या निवडणुकीची मतमोजणी सुरू असून १५४ मतदान केंद्रापैकी निम्म्या ७७ मतदान केंद्राची मोजणी सुरू आहे. पहिल्या टप्प्यात आमदार मकरंद पाटील यांच्या नेतृत्वाखालील किसन वीर कारखाना बचाव शेतकरी पॅनेल यांनी आघाडी घेतली आहे.

आरक्षित जागांची मतमोजणी सुरू झाली असून यामध्ये मकरंद पाटील यांच्या नेतृत्वाखालील किसन वीर कारखाना बचाव शेतकरी पॅनेलने आघाडी घेतली आहे. पहिली फेरी - ७७ केंद्रे अनुसूचित जाती - जमाती - एकूण मते १८३५३, बाद १९२ मते. किसन वीर कारखाना बचाव शेतकरी पॅनेल - संजय कांबळे - ११११७, शेतकरी विकास पॅनेल - सुभाष खुडे - ७०४३ मते, मताधिक्य ४०४७

भटक्या विमुक्त जाती जमाती : एकूण मते १८३५१, बाद १७५, किसन वीर कारखाना बचाव शेतकरी पॅनल हणमंत चवरे १०२८२, शेतकरी विकास पॅनल चंद्रकांत काळे : ७१९४, मताधिक्य : ३०८८

इतर मागास प्रवर्ग : एकुण मते १८३४८, बाद २००, किसन वीर कारखाना बचाव शेतकरी पॅनल शिवाजी जमदाडे ११०३१, शेतकरी विकास पॅनेल आनंदा जमदाडे ७११७, मताधिक्य : ३९१४.