Ramesh Bais on Satara Tour : राज्यपाल आठवडाभर महाबळेश्वर दौऱ्यावर; काय आहे परंपरा ?

Ramesh Bais News : राज्यपाल रमेश बैस हे १० मे पासून १७ मे पर्यंत सात दिवस महाबळेश्‍वर दौऱ्यावर येणार आहेत. त्यांचा राजभवन महाबळेश्वर येथेच मुक्काम असेल.

उन्हाळी हंगामात राज्यपालांची आपल्या कुटुंबीय व लवाजम्यासह महाबळेश्वर येथे येण्याची ब्रिटिशकाळापासून प्रथा आहे. याआधी देखील अनेक राज्यपाल हे उन्हाळी हंगामामध्ये चार-पाच दिवसांसाठी महाबळेश्वर मुक्कामी येत होते.

याआधी राज्यपाल भगतसिंह कोश्यारी (Bhagatsigh Koshyari) येथे दोन वेळा आले होते. आता राज्यपाल रमेश बैस (Ramesh Bais) हे पहिल्यांदाच महाबळेश्वर दौऱ्यावर येत आहेत. त्यामुळे राजभवन परिसरासह निसर्गरम्य ठिकाणी असलेल्या राज्यपाल निवासस्थानाला नवी झळाळी मिळाली आहे.

राज्यपाल मुक्कामी असणाऱ्या महाबळेश्वर (Mahabaleshwar) येथील निवास्थान व परिसराचा पोलिसांनी सुरक्षिततेच्या दृष्टीने पाहणी केली. तसेच तेथील व्यवस्थेचा आढावा घेताल. राज्यपाल बैस हे किल्ले प्रतापगडसह बेल एअर रुग्णालय पांचगणी, श्री क्षेत्र महाबळेश्वर मंदिर, प्रसिध्द ॲार्थरसिट पाॅईंट आदी ठिकाणी भेटी देणार आहेत.