म्हणालो होतो, 'मी पुन्हा येईन' अन् सिंचन योजनाही माझीच वाट पाहत बसली : फडणवीसांचा पुनरुच्चार!

सोलापूर (मंगळवेढा) : राज्याचे उपमुख्यमंत्री देवेंद्र फडणवीस यांनी मंगळवेढा येथे सभा घेतली. या सभेत बोलताना फडणवीसांनी आपलं जुनं वक्तव्य म्हणजे 'मी पुन्हा येईन'चा पुन्हा एकदा उल्लेख केला. फडणवीस म्हंटले की, "मी या आधी मंगळवेढा उपसासिंचन योजना राबणार असं आश्वासन दिल्यानंतर सरकारच गेलं, पण मी सांगितलं होतं की, मी पुन्हा येईन आणि ही योजना देखील मी पु्न्हा यायची वाट पाहत बसली."

मंगळवेढा येथे शेतीविषयक एका कार्यक्रमात हजेरी लावली. योवेळी ते बोलत होते. मी पुन्हा येईन म्हणालो होतो, पण दरम्यान सरकार गेलं. यामुळे मंगळवेढा उपसासिंचन योजना माझी वाट पाहत राहिली, असे म्हणत त्यांनी अप्रत्यक्षरित्या एकप्रकारे मागील महाविकास आघाडी सरकारवर योजनेला राबवण्यात दिरंगाईसाठी जबाबदार धरले. मागील सरकारवर याचे खापर फोडले.

फडणवीस पुढे म्हणाले की, प्रामाणिकणे कर्ज फेडणाऱ्या शेतकऱ्यांना पन्नास हजार रुपये देऊ, अशी घोषणा मागच्या सरकारकडून करण्यात आली होती. मात्र ते घोषणा विसरले. आपल्या इथं एक म्हण आहे. मला या ठिकाणी कोणालाही लबाड म्हणायचे नाही, लबाडाचं आमंत्रण जेवल्याशिवाय खरं नाही, अशी अवस्था तेव्हा होती, असे फडणवीस म्हणाले.