Jayant Patil News : गोपीचंद पडळकर यांनी जयंत पाटील यांच्या विषयी अश्लाघ्य वक्तव्य केले होते. त्यांच्या या वक्तव्यानंतर शरद पवारांनी मुख्यमंत्री देवेंद्र फडणवीस यांना फोन करत नाराजी व्यक्त केली होती. फडणवीस यांनी देखील आम्ही या वक्तव्याचे समर्थन करत नसल्याचे म्हटले होते.मात्र, पडळकर यांच्या बचावसाठी सांगली भाजप आता मैदानात उतरली आहे.
पडळकरांच्या वक्तव्याच्या निषेधार्थ राष्ट्रवादी काँग्रेस शरदचंद्र पवार पक्षाकडून सांगलीत मोर्चा काढण्यात आला होता. या मोर्चाचे रुपांतर सभेत झाले होते. पडळकर यांच्यावर या सभेत जोरदार टीका करण्यात आली होती. आता भाजपने देखील इशारा सभा घेत प्रत्युत्तर देण्याचे ठरवले आहे.
सांगलीत महाराष्ट्राच्या संस्कृती बचाव मोर्चा काढत, गोपीचंद पडळकर यांच्यावर टीका करण्यात आली होती. आता 1 ऑक्टोबरला भाजपची इशारा सभा होणार आहे. त्यामुळे जयंत पाटील विरुद्ध गोपीचंद पडळकर हा वाद आणखी वाढणार आहे. भाजपचे जिल्हाध्यक्ष सम्राट महाडिक यांनी जाहीर कार्यक्रमात आपण गोपीचंद पडळकर यांच्या बाजुने असल्याचे सांगितले.
महाडिक म्हणाले, 'पडळकरसाहेब तुम्हाला फिरून न देण्याची धमकी देत आहेत. पण तुम्ही काळजी करू नका हा सम्राट महाडिक तुमच्यासोबत आहे. वाळव्यात तालुक्यातील कोणत्या गावात जायचे हे मला सांगा. तुम्हाल वाजत गाजत नेल्याशिवाय राहणार नाही.'
भाजप किसान मोर्चाचे प्रदेश उपाध्यक्ष पृथ्वीराज पवार यांनी जयंत पाटलांवर टीका करताना म्हटले की,राजारामबापू नायक होते मात्र त्यांचा मुलगा खलनायक आहे. त्यांचा कुकर्माची कुंडली जनतेसमोर मांडून त्यांचा बुरखा फाडणार आहे. महाराष्ट्र संस्कृती बचाव म्हणत काढलेला मोर्च हा त्यांचा खोटा सोज्वळ चेहरा दाखवण्याचा प्रयत्न होता, असा टोला देखील त्यांनी लगावला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.