Kolhapur News, 23 Aug : कोल्हापूर जिल्हा परिषदेच्या प्रारूप आराखड्यावर आज अंतिम स्वरूपाचा शिक्कामोर्तब विभागीय आयुक्तांनी केला. जिल्हा परिषदेच्या संकेतस्थळावर जिल्ह्यातील 68 मतदार संघातील प्रभाग प्रारूप आराखडा अंतिम करण्यात आला असल्याची यादी प्रसिद्ध करण्यात आली.
प्रारूप आराखड्यामध्ये आलेल्या हकरतीनुसार केवळ कागल, चंदगड तालुक्यातील मतदारसंघांमध्ये बदल करण्यात आला आहे. कागल मधील जिल्हा परिषदेच्या बाणगे मतदारसंघाचे नाव बदलून म्हाकवे केले आहे. उर्वरित गटांची संख्या आणि मतदारसंघांची नावे जैसे-थे ठेवून 68 मतदारसंघाचा अंतिम प्रारूप आराखडा विभागीय आयुक्तांनी अंतिम केला.
जिल्हा परिषदेच्या प्रारूप आराखड्यावर 132 हरकती घेतल्या होत्या. या हकरतींपैकी 124 हरकती फेटाळल्या आहेत. उर्वरित कागल तालुक्यातील 6, तर चंदगड 2 हकरतींवर बदल करण्यात आला. कागल तालुक्यात जिल्हा परिषदेचे पाचऐवजी सहा मतदारसंघ तयार केले आहेत. यामध्ये नव्याने तयार झालेल्या बाणगे जिल्हा परिषद मतदारसंघाचे नाव रद्द करून म्हाकवे मतदारसंघ केला आहे.
म्हाकवे ग्रामस्थांनी दाखल केलेल्या हरकती मान्य केली आहे. म्हाकवे गाव हे पहिल्यांदा सिद्धनेर्ली मतदारसंघात घेतले होते. त्यानुसार म्हाकवे पंचायत समिती गण जाहीर केला. याला ग्रामस्थांनी तीव्र विरोध दर्शविला. म्हाकवे हे लोकसंख्येने मोठे गाव असून, नैसर्गिक संलग्नता डावलून सिद्धनेली परिसरास जोडणे चुकीचे असल्याचे दाखवून दिले. हरकतदारांची हरकत मान्य करत त्यामध्ये बदल केला आहे.
चंदगड तालुक्यातील तुडये मतदारसंघात असणारे हल्लारवाडी हे गाव नवीन आराखड्यात माणगावमध्ये घेतले होते. यावर ग्रामस्थांनी हरकत घेतल्यानंतर हे गाव पुन्हा तुडयेमध्ये घेण्यात आले आहे. आजरा तालुक्यात जिल्हा परिषदेतील गट कमी केला आहे. यामुळे तालुक्याच्या राजकीय समीकरणांवर मोठा परिणाम करणारा निर्णय जाहीर झाला आहे.
जिल्हा परिषदेच्या गटांमध्ये फेरबदल करताना आजरा तालुक्यातील एक गट कमी केला असून, केवळ उत्तूर व पेरणोली असे दोनच गट उरले आहेत. उत्तूर गटामध्ये भादवण समाविष्ट केला आहे. पेरणोली गटात वाटंगीचा समावेश करून पंचायत समितीसाठी केवळ चार गण ठेवले गेले आहेत.
तर आजरावासीयांनी पूर्वीप्रमाणे तीन गट व सहा गण कायम ठेवावेत, अशी ठाम मागणी केली होती. यासाठी पुणे विभागीय आयुक्तांकडे हरकती दाखल केल्या होत्या. मात्र, आयुक्तांनी सर्व हरकती फेटाळून लावत 2 गट व 4 गणांची फेररचना कायम ठेवली आहे.
करवीसह इतर तालुक्यांमधील गट व गणांची प्रारूप आराखडा पूर्वी जाहीर झाल्यानुसार अंतिम आराखडा प्रसिद्ध केला. दरम्यान, प्रारूप आराखड्यानंतर आता कोणत्या गटात कोणते आरक्षण जाहीर होणार याकडे लक्ष लागले आहे. आरक्षण जाहीर झाल्यानंतर पक्ष, संघटना व स्थानिक आघाड्यांकडून उमदेवारी मिळवण्यासाठी कार्यकर्त्यांची झुंबड उडणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.