Amit Shah : कोल्हापुरात यंत्रणा 'टाईट'! केंद्रीय गृहमंत्री अमित शाहांच्या दौऱ्यासाठी पोलिसांचा कडेकोट बंदोबस्त, करवीरनगरीला छावणीचे स्वरूप

केंद्रीय मंत्री अमित शाह रात्री उशिरा कोल्हापूर दौऱ्यावर आले आहेत. . रात्री दोन वाजून दहा मिनिटांनी ते कोल्हापूर विमानतळावर दाखल झाल्यानंतर राज्यसभेचे खासदार धनंजय महाडिक, भाजप जिल्हाध्यक्ष विजय जाधव, यांच्यासह जिल्हाधिकारी, जिल्हा पोलीस प्रमुख, पोलीस महानिरीक्षक यांनी त्यांचे स्वागत केले. दौऱ्याच्या पार्श्वभूमीवर कोल्हापुरातील यंत्रणा अलर्ट मोडवर आली असून रात्री दोन नंतर कोल्हापूरच्या रस्त्यांवर तब्बल दोन हजार पोलिसांचा बंदोबस्त तैनात करण्यात आला आहे.

पोलिस कवायत मैदान, शासकीय विश्रामगृह, करवीर निवासिनी अंबाबाई मंदिर, इचलकरंजी कार्यक्रमस्थळ अशा सर्वच ठिकाणी पोलिसांची नेमणूक केल्याने सर्वच ठिकाणी पोलिस छावणीचे स्वरूप आले आहे. स्थानिक पोलिसांसीकाय केंद्रीय सुरक्षा पथकांनीही तपासणी करून आढावा घेतला.

आज शनिवारी (ता. २०) सकाळी दहा वाजता करवीर निवासिनी अंबाबाईने दर्शन घेणार आहेत. तिथून पोलिस कवायत मैदानावरील सभास्थळी पोहोचतील, सभा आटोपल्यानंतर इचलकरंजी येथे कार्यक्रमासाठी रवाना होणार आहेत. सभास्थळ, मंदिर परिसर, शासकीय विश्रामगृहासह व्याया वाहन ताफा ज्या मार्गावरुन जागार आहे, त्याठिकाणी पोलिस तैनात केले आहेत. आज सायंकाळपासूनच शहरात पोलिसांचा बंदोबस्त लावला होता.

केंद्रीय गृहमंत्री अमित शाह यांना झेड प्लस सुरक्षा असूनही पंतप्रधान नरेंद्र मोदी यांनी दिलेल्या इंधन बचतीच्या आदेशाचे पालन करत ताफ्यामध्ये केवळ सातच चाहने ठेवली जाणार आहेत, तसेच राज्याचे मुख्यमंत्री, उपमुख्यमंत्री यांचाही ताफा कमीत कमी वाहनांचा राहणार आहे. झेड प्लस सुरक्षेसह केंद्रीय मंत्र्यांच्या वाहन ताफ्यात यापूर्वी पंधरा ते अठरा वाहनांचा समावेश असायचा, परंतु, काही दिवसांपूर्वीच पंतप्रधानांनीच व्हीआयपी दौऱ्यातील वाहने कमी करण्याचे आदेश दिले होते. याची अंमलबजावणी मंत्री शाह यांच्या दौऱ्यात केली जात आहे.