मिशन जरंडेश्वर कारखाना; किरीट सोमय्या साताऱ्यात दाखल

सातारा : जरंडेश्वर कारखाना विक्री घोटाळाप्रकरणी माहिती घेण्यासाठी व शेतकऱ्यांशी संवाद साधण्यासाठी भाजपचे नेते माजी खासदार सोम्या किरीट सोमय्या यांचे आज पहाटे साताऱ्यात आगमन झाले. सातारा रेल्वे स्टेशनवर त्यांचे भाजपच्या कार्यकर्त्यांनी जल्लोषात स्वागत केले.

त्यानंतर ते शासकीय विश्रामगृहात मुक्कामी थांबले होये. सकाळी साडेनऊ वाजता ते जरंडेश्वर कारखान्याकसाठी कोरेगाव कडे रवाना झाले. कोरेगावात यांचे स्वागत केल्यानंतर ते चिमणगांव येथील जरंडेश्वर कारखान्यावर जाणार आहेत. जरंडेश्वर कारखान्याची पाहणी व शेतकरी सभासद यांच्याशी चर्चा करणार आहेत.

आता ते उपमुख्यमंत्री अजित पवार यांच्यापुढे कोणते नवे आव्हान निर्माण करणार याची उत्सुकता आहे. कोरेगावनंतर ते फलटणमार्गे बारामतीला जाणार आहेत. फलटणमध्ये खासदार रणजितसिंह नाईक निंबाळकर यांच्या घरी ते थांबणार आहेत. त्यानंतर बारामतीला जाणार आहेत.