आमदार चंद्रकांत जाधव यांचे निधन

कोल्हापूर : कोल्हापूर उत्तर मतदारसंघाचे काँग्रेसचे आमदार व यशस्वी उद्योगपती चंद्रकांत पंडित जाधव (Mla Chandrakant Jadhav) यांचे हैदराबाद येथे निधन झाले. त्यांचे पार्थिव दुपारी एक वाजेपर्यंत कोल्हापुरात आणले जाईल.

2019 मध्ये झालेल्या विधानसभेच्या निवडणुकीत त्यांनी माजी आमदार राजेश क्षीरसागर यांचा पराभव केला होता. मनमिळावू व कार्यतत्पर अशी ओळख असणाऱ्या श्री जाधव यांच्या मृत्यूने उद्योगासह राजकीय क्षेत्रात हळहळ व्यक्त केली जात आहे.

गेल्या दीड वर्षापासून त्यांना दोन वेळा कोरोनाची लागण झाली होती. त्यातून ते ठणठणीत बरे झाले होते. मात्र काही दिवसांपूर्वी त्यांना पुन्हा त्रास होऊ लागल्याने हैदराबाद येथील रुग्णालयात दाखल केले होते. मात्र उपचार सुरू असताना त्यांचे निधन झाले.