उदयनराजेंनी मकरंद पाटलांची घेतली फिरकी : तुम्ही तर जिल्ह्याचे...

सातारा : खासदार उदयनराजे (Udayanraje) यांनी आमदार मकरंद पाटलांना (MLA Makrand Patil) मिठ्ठी मारली आणि म्हणाले, तीन कारखाने, जिल्हा बँक आणि आमदारकी तुम्ही जिल्ह्याचे बॉसच की...किसन वीर कारखान्याच्या निवडणुकीत मिळवलेल्या यशाबद्दल उदयनराजे यांनी मकरंद पाटलांचे सातारी कंदी पेढा भरवून कौतुक केले. (Udayanraje Latest news)

किसन वीर कारखान्याच्या निवडणुकीत आमदार मकरंद पाटील यांच्या किसनवीर बचाव शेतकरी पॅनेलने 21-0 असे निर्विवाद वर्चस्व मिळवले. या यशानंतर आज आमदार पाटील यांनी खासदार उदयनराजे भोसले यांची त्यांच्या जलमंदिर पॅलेस या निवासस्थानी भेट घेतली. यावेळी खासदार उदयनराजे यांनी त्यांना मिठ्ठी मारून स्वागत केलं. यावेळी खासदार उदयनराजेंनी त्यांचे अभिनंदन करून पुढील वाटचालीस शुभेच्छा दिल्या.

तसेच तीन कारखाने, जिल्हा बँक आणि आमदारकी तुम्ही जिल्ह्याचे बॉसच की... असे अशा शब्दात शुभेच्छा दिल्या. यानंतर पुष्पगुच्छ देऊन अभिनंदन करत सातारी कंदी पेढा मकरंद पाटलांना भरवला. यावेळी माजी सभापती सुनील काटकर व पदाधिकारी उपस्थित होते