Nashik : पदवीधरच्या प्रचार तोफा थंडावल्या : शेवटच्या सभेत तांबे-पाटील मतदारांना काय म्हणाले?

Nashik Graduate Constituency : नाशिक पदवीधर निवडणुकीसाठीच्या प्रचाराच्या थोफा आता थंडावल्या आहे. अपक्ष उमेदवार सत्यजित तांबे आणि शिवसेना ठाकरे गटाच्या उमेदवार शुभांगी पाटील या दोघांमध्ये ही लढत होणार आहे. पारनेर तालुक्यात शुभांगी पाटील या भावूकसुद्धा झालेल्या पाहायला मिळाल्या.मतदारांनी आपल्याला विजयी करावं यासाठी त्यांनी आवाहन केलं, यावेळी त्यांना अश्रू अनावर झालं.

तर दुसरीकडे तांबे यांनी म्हंटले की, 'मी गेली २२ वर्षे काँग्रेस पक्षात (Congress) काम करतो आहे. आमच्या परिवाराला काँग्रेसमध्ये २०३० मध्ये शंभर वर्षे पूर्ण होणार आहेत. अशा पार्श्वभूमीवर आम्ही काँग्रेस पक्षाकडून उमेदवारी मागितली होती. मात्र, एबी फॉर्म न आल्याने तांत्रिक कारणामुळे माझी उमेदवारी अपक्ष झाली आहे, असे नाशिक (Nashik) पदवीधर मतदारसंघातील अपक्ष उमेदवार सत्यजित तांबे (Satyajeet Tambe) यांनी स्पष्ट केले.

नाशिक पदवीधर मतदार संघातील निवडणुकीचा जाहीर प्रचाराचा आज शेवटचा दिवस होता. या पार्श्वभूमीवरच सत्यजीत तांबे (Satyajit Tambe) यांनी अहमदनगरमध्ये सभा घेत प्रचाराची सांगता आज केली. यानिमित्त त्यांनी या मेळाव्याच्या माध्यमातून विविध विषयावर भाष्य केलं.

''सुधीर तांबे (Sudhir Tambe) यांनी या मतदारसंघात मागील पंधरा वर्षात सर्वांशी चांगले ऋणानुबंध जपले आहेत. त्यामुळे मला प्रचार करताना चागंला फायदा झाला. तसेच सर्वांनी चांगला प्रतिसाद देखील दिला. त्यामुळे माझ्या वडीलांनी केलेले काम मी पुढे घेऊन जाणार आहे'', असं ते म्हणाले.