Atul Bhosale: कऱ्हाड दक्षिण विधानसभा मतदारसंघात महायुतीच्या माध्यमातून ७४५ कोटींहून अधिक विकासनिधी आणला आहे. शहरात कोट्यवधींची विकासकामे आणली आहेत. छत्रपती शिवाजी महाराज स्टेडियम, वाखाण रस्त्यांसाठी निधी उपलब्ध करून दिला आहे. यापुढेही शहराच्या विकासासाठी सर्वतोपरी सहकार्य करण्यास सदैव कटिबद्ध राहीन, अशी ग्वाही अतुल भोसले यांनी दिली.
श्री. भोसले यांनी शहरात पदयात्रा काढली. गणपती मंदिर, तेली गल्ली, आझाद मोहल्ला, आझाद चौक, भोई गल्ली, डवरी गल्ली, सात शहीद चौक, रंगारवेस येथील मारुती मंदिर या मार्गावर पदयात्रा गेली.
पदयात्रेला उत्स्फूर्त प्रतिसाद मिळाला. श्री. भोसले यांनी मार्गावरील प्रत्येकाशी हस्तांदोलन करत संवाद साधला. यावेळी कऱ्हाडचे माजी उपनगराध्यक्ष सुभाष डुबल, शहराध्यक्ष एकनाथ बागडी, रणजित पाटील, उमेश शिंदे, जय पावसकर, मुकुंद चरेगावकर, किरण मुळे, समाधान चव्हाण, संग्राम चव्हाण, विक्रम भोपते, नितीन शाह, अभिषेक भोसले, प्रमोद शिंदे, मुसद्दिक आंबेकरी उपस्थित होते.
यावेळी श्री. भोसले म्हणाले, ‘‘शहराच्या विकासासाठी जास्तीतजास्त निधी आणण्याचा मी प्रामाणिक प्रयत्न केला.
येत्या काळात कऱ्हाड शहरातील सर्वप्रकारच्या पायाभूत सुविधा मार्गी लावून कऱ्हाडमधील सर्व प्रकारच्या समस्या सोडविण्यावर माझा भर राहणार आहे. कऱ्हाडकरांनी आपले प्रेम कायम ठेवून मला मोठ्या मताधिक्याने विजयी करावे.’’
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.