राजू शेट्टींनी सांगितले भोंगे वाजण्यामागचे कारण...

कऱ्हाड : महागाईवर नियंत्रण आणण्यात केंद्र सरकार तर शेतकऱ्यांच्या प्रश्नावर राज्य सरकार अपय़शी ठरले आहे. केंद्र सरकार, राज्य सरकार यांचे अपयश यावर चर्चा नको म्हणुन हे राजकीय भोंगे वाजत आहेत, असे स्पष्टीकरण माजी खासदार राजू शेट्टी यांनी आज दिले.

बळीराजा उध्दार यात्रेनिमित्त श्री. शेट्टी आज कऱ्हाडला (जि.सातारा) आले होते. त्यावेळी त्यांच्याशी पत्रकारांनी संवाद साधला. श्री. शेट्टी म्हणाले, ''शेतकऱ्यांवर गेल्या दोन वर्षात महापूर, कोरोनासह अनेक आपत्ती आल्या. त्यामध्ये पीक विमा योजना राबवणाऱ्या कंपन्या कर्जबाजारी होऊन दिवाळखोरीत निघाल्या पाहिजे होत्या.

मात्र, त्याच कंपन्यांनी हजारो कोटींचा नफा कमवला आहे. त्यामुळे त्यांनी शेतकऱ्यांना फसवले आहे. केंद्र सरकार, राज्य सरकार यांच्या अपयश यावर चर्चा नको म्हणुन हे राजकीय भोंगे वाजत आहेत, असे ही त्यांनी स्पष्ट केले.