Maharashtra Kesari : सांगलीची प्रतीक्षा बागडी ठरली पहिली महिला महाराष्ट्र केसरी

Pratiksha Bagdi : सांगलीची प्रतीक्षा बागडी ही पहिली महिला महाराष्ट्र केसरी ठरली आहे. कल्याणच्या वैष्णवी पाटील आणि प्रतिक्षा बागडी यांच्यापैकी कोण महाराष्ट्र केसरीचा मान पटकावणार? याकडे सर्वांचे लक्ष लागले होते.

महाराष्ट्रामध्ये पहिल्यांदाच कुस्तीच्या महिला महाराष्ट्र केसरी स्पर्धेचं आयोजन करण्यात आलं होतं. 23, 24 मार्चला ही स्पर्धा सांगलीत पार पडली. या स्पर्धेच्या अंतिम लढतीमध्ये प्रतीक्षा बागडी हिने वैष्णवी पाटील हिला चितपट केलं.

प्रतीक्षा बागडी ही पहिली महिला महाराष्ट्र केसरी ठरली आहे. त्यामुळे महाराष्ट्राला पहिली महिला महाराष्ट्र केसरी मिळाली आहे. दरम्यान, महिला महाराष्ट्र केसरीचा अंतिम सामना हा अतिशय थरारक ठरला.

कल्याणच्या वैष्णवी पाटीलला सगल चार गुण मिळाले. मात्र, शेवटच्या क्षणी प्रतीक्षाने वैष्णवीला चितपट करत चार गुण मिळवले. त्यामुळे पहिली महाराष्ट्र केसरी होण्याचा मान सांगलीच्या प्रतीक्षा बागडी हिला मिळाला.