Nashik Politics : सत्यजीत तांबेंना धक्का; ठाकरे गटाचा उमेदवार ठरला

नाशिक पदवीधर मतदार संघांच्या निवडणुकीच्या पार्श्वभूमीवर राजकीय वातावरण चांगलच तापलं आहे. ठाकरे गटाने अपक्ष उमेदवार शुंभागी पाटील (Shumbhagi Patil) यांना पाठिंबा दिला आहे. त्यामुळे सत्यजीत तांबे यांची आता कोंडी होण्याची शक्यता आहे.

नाशिक पदवीधरची जागेसाठी काँग्रेसचे (Congress) डॉ. सुधीर तांबे (Sudhir Tambe) यांना उमेदवारी देण्यात आली होती. पण डॉ. सुधीर तांबे यांनी ऐनवेळी माघार घेत काँग्रेसला धक्का दिला. तर त्या ठिकाणी त्यांचे चिंरजीव सत्यजीत तांबे यांनी अपक्ष उमेदवारी केली.

तसेच आपण काँग्रेसमध्येच असून सर्व पक्षांना पाठिंबा मागणार असल्याचे सत्यजीत तांबे यांनी जाहीर केले. मात्र, आता काँग्रेसने सत्यजीत तांबेंना पाठिंबा देण्यास नकार दिला आहे.

नाशिक पदवीधर मतदार संघ आता ठाकरे गट लढवणार असल्याचं सांगण्यात आले आहे. ठाकरे गटाने नाशिक पदवीधरसाठी शुभांगी पाटील यांना पाठिंबा जाहीर केला आहे. काही दिवसांपूर्वी भाजपात असलेल्या शुभांगी पाटील यांनी आज मातोश्रीवर उद्धव ठाकरे यांची भेट घेतली.

त्यानंतर उद्धव ठाकरे आणि सुभाष देसाई यांच्यात महत्वाची बैठक पार पडली. त्यामध्ये हा निर्णय घेण्यात आला आहे. त्यामुळे आता शिवसेनेच्या (ठाकरे गट) या निर्णयाला महाविकास आघाडी पाठिंबा देणार का? हा सवाल उपस्थित करण्यात येत आहे.

शुभांगी पाटील या आधी भाजपमध्ये होत्या. त्यांनी भाजपचा पाठिंबा आपल्याला मिळविण्यासाठी प्रयत्न केले. पण भाजपचा (BJP) पाठिंबा सत्यजीत तांबेंना (Satyajit Tambe) मिळणार असं गणित दिसताच शुंभागी पाटील यांनी आज 'मातोश्री'सोबत संपर्क साधला. त्यानंतर ठाकरे गटाने शुंभागी पाटील यांना थेट पाठिंबा जाहीर केला आहे.

दरम्यान, आता नाशिक पदवीधर मतदार संघात तीन उमेदवारांमध्ये थेट लढत होण्याची शक्यता आहे. तसेच शुभांगी पाटील यांना ठाकरे गटाचा पाठिंबा मिळताच त्यांनी रणशिंग फुंकले आहे. 'राजा का बेटा राजा नही बनेगा, जो काबिल है वही राजा बनेगा', अशी प्रतिक्रिया त्यांनी दिली आहे.