छत्रपती संभाजीराजेंना शरद पवारांचा मानाचा मुजरा

छत्रपती संभाजी महाराज यांच्या जयंती निमित्त ज्येष्ठ नेते शरद पवार यांनी वय व तब्बेतीची तमा न बाळगता आज किल्ले पुरंदरला भेट देऊन छत्रपती संभाजी महाराज यांना आदरांजली अर्पण करत मानाचा मुजरा केला.

शरद पवार यांनी पुरंदर किल्ल्यावरील संग्रहालयाची पाहणी केली. तसेच काही सूचनाही दिल्या. 'संग्रहालयातील छायाचित्रे पाहून आपला देदीप्यमान इतिहास डोळ्यांसमोर उभा राहिला', असे शरद पवार यांनी सांगितले.

शरद पवार यांनी पुरंदर किल्ल्यावरील छत्रपती संभाजी महाराज यांच्या जन्मस्थळाला भेट दिली. तसेच छत्रपती संभाजी महाराजांना आदरांजली अर्पण केली.

पुरंदर येथे शरद पवार यांचे जल्लोषत स्वागत करत त्यांना छत्रपती संभाजी महाराज यांची प्रतिमा भेट देण्यात आली.