Udayanraje Bhosale : कै. गोपीनाथ मुंडेंच्या आठवणीने उदयनराजेंना अश्रू अनावर

दहिवडी : आपल्या ह्रदयात मानाचे स्थान दिलेल्या कै. गोपीनाथ मुंडे यांच्या प्रतिमेचे दर्शन घेताना खासदार उदयनराजे भोसले भावनाविवश झाले. यावेळी त्यांना अश्रू अनावर झाले.

शेवटच्या श्रावण सोमवारनिमित्त उदयनराजे भोसले हे शिखर शिंगणापूर येथे शंभू महादेवाच्या दर्शनाला आले होते. दर्शन व अभिषेक झाल्यानंतर परतीच्या प्रवासात त्यांनी दहिवडी येथील चैतन्य करिअर ॲकॅडमीला भेट दिली.

या भेटी दरम्यान त्यांनी कै. गोपीनाथ मुंडे यांच्या प्रतिमेचे दर्शन घेतले. त्यावेळी ते भावनाविवश झाले व त्यांना अश्रू अनावर झाले. त्यांना भेट म्हणून त्यांची स्वतःची प्रतिमा देण्यात येणार होती. त्याऐवजी त्यांनी भेट म्हणून कै. गोपीनाथ मुंडे यांची प्रतिमा स्विकारली. यावेळी त्यांनी मुंडे यांच्या प्रतिमेचे चुंबनही घेतले.