Shivsena Vs BJP : शिवसेनेच्या आमदारानं भर विधानसभेत भाजपच्या शेलारांना खाली बसवलं

Shivsena Vs BJP : राज्याच्या विधानसभेचे पावसाळी अधिवेशन सध्या सुरु आहे. अधिवेशनाचा आज दुसरा दिवस होता. भाजपचे आमदार आशिष शेलार ( Ashish Shelar ) एका विषयावर बोलत होते. त्यांना शिवसेनेचे आमदार अजय चौधरी यांनी खाली बसवलं. या घटनेची चर्चा आता सुरू झाली आहे.

अधिवेशनात आज आशिष शेलार व अजय चौधरी यांची खडाजंगी झाली. आशिष शेलार एका मुद्द्यावर बोलत होते. त्याच वेळी उपमुख्यमंत्री देवेंद्र फडणवीस तेथे आले. त्यावेळी अजय चौधरी यांनी शेलारांना खाली बसायला सांगितले. यावर शेलारांनी 'होय मी पाहतो आहे. मला तुमच्याकडून शिकण्याची गरज नाही.' असे खोचकपणे सांगितले.

शिवसेनेच्या एका आमदाराने सत्ताधारी भाजपच्या नेते आशिष शेलार यांना खाली बसविल्याची चर्चा आता सुरू झाली आहे. शिवसेनेतील बंडापासून भाजप व शिवसेना यांच्यातील वैर वाढत आहे. यातच मुंबई महापालिका निवडणूक जवळ आली आहे. त्यामुळे शिवसेना व भाजपमधील विरोधाची धार अधिक तीव्र होत चालली आहे.