उदयनराजे म्हणतात मी संजय राऊतांना ओळखत नाही... राजघराण्याबद्दल बोललं तर याद राखा....

सातारा - शिवसेनेचे खासदार संजय राऊत ( Sanjay Raut ) यांनी आमदार शिवेंद्रसिंहराजे भोसले यांच्यावर टीका केली होती. या संदर्भात उदयनराजे भोसले ( Udayan Raje Bhosale ) यांना पत्रकारांनी विचारले असता त्यांनी संतप्त होत मी संजय राऊत यांना ओळखत नाही, अशा शब्दात त्यांनी संजय राऊत यांची खिल्ली उडवली. ( Udayan Raje says I don't know Sanjay Raut ... If you talk about royalty, remember ... )

सातारा येथील एका कार्यक्रमानंतर त्यांच्याशी पत्रकारांनी संवाद साधला. संजय राऊत यांनी छत्रपती शिवाजी महाराज यांच्या घराण्याबाबत आक्षेप घेतले होते. या संदर्भात विचारले असता उदयनराजे म्हणाले, तो कोण आहे. मी त्याला ओळखतही नाही. आयडेंटीटी नसलेल्या लोकांबद्दल काय बोलणार. हे लोक मला माहितीच नाहीत. तर त्यांच्याबाबत मी काय बोलणार.

उदयनराजे म्हणाले, आम्ही कुणाच्या बद्दल वाईट बोलत नाही. आमच्या बद्दल कोणी वाईट बोलाल तर आम्ही बांगड्या घातलेल्या नाहीत. तुमच्या घराण्याबद्दल कोणी काही बोलले. घराणे छोटे असू द्या अथवा मोठे. प्रत्येकाला स्वाभिमान आहे. कोण गप्प बसणार आहे, असे सांगत कॉलर उडवत ते म्हणाले, काय बाकीच पेटलं तरी चालेल, अशी संतप्त प्रतिक्रिया त्यांनी दिली.