Vishal Patil : "फडणवीस सरकारनं जरांगेंना त्रास दिला अन् मी खासदार झालो", विशाल पाटील असं का म्हणाले?

लोकसभा निवडणुकीत महायुतीला जरांगे 'फॅक्टर'मुळे दणका बसला होता. '45 पार'चा नारा देणाऱ्या महायुतीचं गणित '17' जागांवरच फिस्कटलं. महाविकास आघाडीला अपक्ष विशाल पाटील यांच्यासह '31' जागांवर यश मिळालं. यातच खासदार विशाल पाटील यांनी सांगली विजय कसा झाला याबाबत भाष्य केलं आहे.

"फडणवीस सरकारनं मनोज जरांगे-पाटील यांना त्रास दिला. त्या त्रासाचा बदला समाजानं घेतला आणि मी खासदार झालो," असं विधान विशाल पाटील ( Vishal Patil ) यांनी केलं आहे. ते मिरजेत एका सत्कार समारंभात बोलत होते.

विशाल पाटील म्हणाले, "मराठा ( Maratha ) समाजासाठी लढणाऱ्या मनोज जरांगे-पाटील यांना फडणवीस सरकारनं त्रास दिला. त्या त्रासाचा बदला समाजानं लोकसभा निवडणुकीत घेतला आणि मी खासदार झालो."

"विधानसभा निवडणुकीत सांगली जिल्ह्यात चार ते पाच काँग्रेसचे आमदार निवडून येतील. वसंतदादांच्या विचारांचा मुख्यमंत्री व्हावा," असं मोठं विधान विशाल पाटील यांनी केलं आहे.