Dattatray Bharne News : संतोष देशमुख हत्या प्रकरणात वाल्मिक कराड यांच्यावर आरोप होत असताना मंत्री धनंजय मुंडे यांच्या राजीनाम्याची मागणी विरोधी पक्षाकडून केली जात आहे. वाल्मिक कराड यांचे बाॅस, मित्र धनंजय मुंडेंचं आहेत ते मंत्रिमंडळात असताना कराड यांच्यावर योग्य कारवाई होणार नसल्याचे सूर बीडमधील मराठा मोर्चात सर्वपक्षीय नेत्यांनी आवळला होता. वाल्मिक कराड यांनी सरेंडर केले असले तरी विरोधी पक्षांकडून धनंजय मुंडे यांना टार्गेट केले जात आहे. त्यामुळे राष्ट्रवादी काँग्रेसचे मंत्री मुंडेंच्या मदतीसाठी धावले आहेत.
क्रीडा मंत्री दत्तात्रेय भरणे यांनी माध्यमांशी बोलताना धनंयज मुंडेंची पाठराखन केली. नेत्याचे मित्र, कार्यकर्ते असतात. मित्राने काय केले म्हणून वरच्या नेत्याचा असतो असे नाही. या प्रकरणी धनंजय मुंडे यांच्यावर आरोप करणे चुकीचे आहे, असे दत्तात्रेय भरणे म्हणाले.
तपास सुरू आहे. वाल्मिकजी कराड हे शरण आले आहेत. जे दोषी असतो त्यावर 100 टक्के कारवाई केली जाईल. पंकजाताई आमच्या नेत्या आहेत, धनंजय मुंडे आमचे नेते आहेत, असे देखील भरणे म्हणाले.
राष्ट्रवादी काँग्रेसचे मंत्री हसन मुश्रीफ यांनी देखील धनंजय मुंडेंच्या मागे उभे राहिले आहेत. धनंजय मुंडेंच्या राजीनामाची मागणी विरोधकांनी केली असताना मुंडेंनी राजीनामा देण्याची आवश्यकता नसल्याचे मुश्रीफ यांनी म्हटले आहे. जो पर्यंत कोणी दोषी अडथळ नाही तोपर्यंत कोणी राजीनामा देण्याची आवश्यकता नसल्याचे देखील मुश्रीफ यांनी सांगितले होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.