Nilesh Deshmukh Attack: धक्कादायक: मस्साजोग नंतर आता खामगाव! आणखी एका देशमुख सरपंचावर लोखंडी रॉडने प्राणघातक हल्ला

Khamgaon Crime News: पुरोगामी महाराष्ट्र नक्की काय चाललंय असा प्रश्न सध्या विचारण्यात येत आहे. मस्साजोगचे सरंपच संतोष देशमुख यांची क्रुरपणे झालेली हत्या, हे प्रकरण ताजे असताना लोकप्रतिनिधींवरील हल्ल्याचं सत्र अद्याप थांबलेलं दिसत नाही. खामगावमध्ये एका सरपंचावर प्राणघातक हल्ला झाल्याची माहिती समोर येत आहे.

खामगाव जवळ असलेल्या सुटाळातील सरपंच निलेश देशमुख यांना जीवे मारण्याचा प्रयत्न करण्यात आला आहे. शुल्लक कारणावरुन देशमुख यांच्यावर लोखंडी रॅाडने हल्ला झाला आहे. त्यांची प्रकृती गंभीर आहे.या हल्ल्यातून ते थोडक्यात बजावले आहेत.

देशमुख यांना खामगाव येथील शासकीय रुग्णालयात उपचारासाठी दाखल करण्यात आले आहे. याप्रकरणी दोन्ही गटातील परस्पर विरोधी तक्रारीवरून गुन्हा दाखल करण्यात आला आह

थुंकण्यावरून झाला वाद

सरपंच देशमुख आणि त्यांचे मित्र हे एका हॉटेलमध्ये भोजन करण्यासाठी बसलेले होते. तर आरोपी सुद्धा बाजूच्या केबिनमध्ये भोजन करायला बसलेले होते.हॉटेलमध्ये थुंकण्यावरून त्यांच्यात वाद झाला. दोन्ही गटात शाब्दीक बाचाबाची झाली. त्यानंतर हाणामारी झाली. काही कालावधीनंतर देशमुख यांना रस्त्यात अडवून त्यांच्यावर प्राणघातक हल्ला करण्यात आला.