Jayant Patil on Ajit Pawar : 'भारतरत्न देण्याची घोषणा केली; मात्र दादांचं दिल्लीत ऐकतं कोण ?'

Pune Political News : महाराष्ट्राचे माजी मुख्यमंत्री यशवंतराव चव्हाण यांना भारतरत्न देण्याबाबतची घोषणा उपमुख्यमंत्री अजित पवार Ajit Pawar यांनी राष्ट्रवादी काँग्रेसच्या जाहीरनामामध्ये केली आहे. यातच आता दोन्ही राष्ट्रवादीच्या गटांमध्ये जुंपण्याची शक्यता पाहायला मिळत आहे. अजित पवारांच्या या घोषणेवरती राष्ट्रवादी काँग्रेस शरद पवार पक्षाचे NCP प्रदेशाध्यक्ष जयंत पाटील Jayant Patil यांनी खरमरीत टीका केली आहे.

राष्ट्रवादी काँग्रेस शरदचंद्र पवार NCP पक्षाकडून आज पुण्यामध्ये लोकसभा निवडणुकीसाठीचा जाहीरनामा Election Manifesto प्रकाशित करण्यात आला या जाहीरनाम्याला राष्ट्रवादी काँग्रेस शरदचंद्र पवार पक्षाकडून 'शपथनामा' असं नाव देण्यात आले आहे. त्या प्रकाशन सोहळ्या दरम्यान जयंत पाटील Jayant Patil यांनी अजित पवारांवर निशाणा साधला.Sharad Pawar's Party Releases Manifesto

जयंत पाटील म्हणाले, माजी मुख्यमंत्री यशवंतराव चव्हाण यांना भारतरत्न देण्याची मागणी होऊ शकते तो जाहीरनामाचा भाग होऊ शकत नाही. यशवंतराव चव्हाण यांना भारतरत्न द्यावा ही संपूर्ण महाराष्ट्राची मागणी आहे. अजित पवार यांनी भारतरत्न बाबत मागणी केली असली तरी दिल्लीमध्ये त्यांचं फारसं कोणी ऐकत नसल्याचा टोला जयंत पाटील यांनी अजित पवारांना लगावला. Jayant Patil says ajit dada announced to give Bharat Ratna Yashvantrao chavan but who is listening to Dada in Delhi

यावेळी गृहमंत्री अमित शाह Amit Shah यांनी शेतकऱ्यांच्या प्रश्नांवरून शरद पवार यांच्यावर केलेल्या आरोपांवर शरद पवारांनी उत्तर दिले ते म्हणाले, 2014 ते 2024 या 10 वर्षाच्या काळात भाजपचं सरकार आहे. या काळात त्यांनी शेतीसाठी काय केलं हे सर्वप्रथम लोकांच्या समोर मांडणं आवश्यक आहे. दहा वर्षांमध्ये शेतकऱ्यांच्या आत्महत्यांचे प्रमाण वाढले असून शेती विषयक प्रश्न अधिक गंभीर झाले आहेत. याबाबत सरकार काहीच बोलत नसल्याची टीका पवार यांनी केली.