Ahilyanagar Zilla Parishad reservation : अहिल्यानगर जिल्हा परिषद अध्यक्ष व पंचायत समिती सभापती पदाचे आरक्षण शुक्रवारी जाहीर झाले. यात अहिल्यानगर जिल्हा परिषदेचे अध्यक्षपद अनुसूचित जमाती महिलासाठी राखीव झाले आहे.
तब्बल 25 वर्षांनंतर अनुसूचित जमातीतून महिलेला जिल्हा परिषद अध्यक्षपदावर संधी मिळणार आहे. तसेच जिल्ह्यातील 14 पैकी 13 पंचायत समित्यांपैकी सहा पंचायत समित्यांचे सभापतीपद हे सर्वसाधारणसाठी राखीव झाले. अकोले पंचायत समितीचे सभापतीपद अनुसूचित जमातीसाठी राखून ठेवण्यात आले आहे.
अहिल्यानगर जिल्हा परिषद अध्यक्षपद अनुसूचित जमाती महिलांसाठी (Woman) राखीव झाल्याने जिल्ह्यात अकोले तालुक्याला मोठी संधी निर्माण झाली आहे. अहिल्यानगर जिल्ह्यात नवीन प्रभाग रचनेनुसार जिल्हा परिषदेचे 75 गट असणार आहेत. या गटापैकी जिल्ह्यात अनुसूचित जमातीचे आठ गट राखीव असतील. यातून चार जागा या महिलांसाठी राखीव राहणार असून, यातूनच एका महिला जिल्हा परिषद अध्यक्षपदी विराजमान होण्याची संधी मिळणार आहे.
अहिल्यानगर जिल्हा परिषदेचे अध्यक्षपद अनुसूचित जमाती महिलेसाठी राहणार असून जिल्ह्यातील 14 पंचायत समित्यांपैकी 13 पंचायत समितीच्या सभापतीपदाचे आरक्षण (Reservation) देखील निश्चित करण्यात आले आहे. यात कोणत्या पंचायत समितीचे सभापती राखीव आहे, हे सोडत पद्धतीने काढण्यात येणार आहे. मात्र, यात राखीव असणाऱ्या पंचायत समिती सभापती पदाची यांची संख्या निश्चित करण्यात आली आहे.
आरक्षण निश्चित झालेल्या पंचायत समिती सभापतीपदात अनुसूचित जातीसाठी 1, अनुसूचित जाती (महिला) साठी 1, अनुसूचित जाती (महिला) साठी 1, नागरिकांच्या मागास प्रवर्गासाठी 2, नागरिकांच्या मागास प्रवर्गा (महिला) साठी 2 सर्वसाधारण 3, सर्वसाधारण (महिला) 3 यांचा समावेश आहे.
जिल्हा परिषद अध्यक्षांचे आरक्षण निश्चित झाल्यानंतर आता सर्वांच्या नजरा या गट आणि पंचायत समितीच्या गणासह निश्चित करून दिलेल्या प्रवर्गनिहाय पंचायत समिती सभापतीपदाच्या आरक्षणाकडे राहणार आहे. या आरक्षणावर अनेकांचे राजकीय भवितव्य अवलंबून राहणार आहे. जिल्हा परिषद आणि पंचायत समितीची निवडणूक ही अनेकांच्या राजकीय करिअरची पहिली पायरी असून यात गट आणि गणाच्या आरक्षणावर त्यांचे राजकीय भवितव्य अवलंबून राहणार आहे. त्यामुळे त्यांचे आरक्षणाच्या सोडतीकडे लक्ष असणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.