AIMIM; फारूक शाह यांनी भाजपच्या खासदार भामरेंना दिले खुले आव्हान!

धुळे : शहराच्या (Dhule) विकासासाठी गेल्या तीन वर्षांपासून मी जो निधी आणला, त्याप्रमाणे खासदारांनी (MP Subhash Bhamre) केंद्रातून (Centre Government) शहर विकासासाठी किती निधी आणला? तसेच मी कधीच जातीपातीचे राजकारण करीत नाही. सर्व समाजाला सोबत घेत विकासाची (Devolopment) कामे करीत आहे, अशी माहिती आमदार फारुक शाह (AIMIM Faruk Shah) यांनी दिली. ( I am becaming powerfull in Politics claim Faruk Shah)

धुळे शहरासाठी राज्य शासनाने दिलेल्या तीस कोटींच्या निधीवरून गेले काही दिवस भाजप आणि `एमआयएम`चे आमदार फारूक शाह यांच्यात गेले काही दिवस राजकारण तापले आहे. या पार्श्वभूमीवर आमदार शाह यांनी पत्रकार परिषदेत ही माहिती दिली.

ते म्हणाले, वर्षभरापूर्वी जी ३० कोटींची कामे मी मंजूर करून आणली, त्या कामांचे श्रेय घेण्यासाठी खटाटोप सुरू आहे. असे असताना शहर विकासासाठी शंभर कोटींवर निधी महापालिकेला प्राप्त करून दिल्याची

ते म्हणाले, माझी कामे शहरात वरचढ ठरत असल्याने भगीरथ जोडी त्या कामांना स्थगिती देऊन नव्याने आम्ही कामे कशी मंजूर करून घेतली, यासाठी स्वत:ची पाठ थोपटून घेत आहे.

सत्ताधाऱ्यांच्या आडमुठेपणामुळे व भगीरथ जोडीमुळे विकास कामांना अडथळा निर्माण होत आहे. आमदार म्हणून भेदभाव न करता भाजपच्या नगरसेवकांसाठी कोट्यवधींचा निधी प्रभाग विकासासाठी दिला आहे. मी दिलेला निधी व खासदारांनी दिलेला निधी याची तुलना शहरवासीयांनी करावी.

खासदारांनी शहर विकासासाठी राज्य शासनाकडून निधी खेचून आणून दाखवावा. खासदारांनी नऊ वर्षांपासून रेल्वेचे गाजर दाखविले. परंतु, माहितीप्रमाणे आजपर्यंत रेल्वे मार्गाचे काम झालेले नाही. अक्कलपाडा योजनेचे पाणी दिवाळी उलटूनही शहरात पोचलेले नाही. महापालिकेने सहकार्य केल्यास आमदार म्हणून दोनशे कोटींचा निधी शासनाकडून आणू शकतो, असे श्री. शाह म्हणाले. एमआयएमचे जिल्हाध्यक्ष नासीर पठाण उपस्थित होते.