भाजपच्या नेत्यांनी धुळे शहरातील विकासकामे रोखली

धुळे : शहरातील (Dhule) देवपूरसह इतर वसाहतींमधील रस्त्यांसाठी ३० कोटी रुपयांचा निधी मंजूर झाला होता. मात्र, महापालिकेच्या (Municipla corporation) अखत्यारीत असलेल्या या रस्त्यांच्या कामासाठी धुळे महापालिकेने अद्यापही ‘ना हरकत प्रमाणपत्र दिलेले नाही, अशी माहिती आमदार फारुक शाह (Faruk Shaha) यांनी पत्रकार परिषदेत दिली.

दरम्यान, राज्याच्या अर्थसंकल्पात धुळे शहरातील विकास कामांसाठी ४५ कोटी रुपयांची तरतूद झाल्याचेही श्री. शाह म्हणाले.

आमदार श्री. शाह यांनी शनिवारी दुपारी बाराला येथील गुलमोहर शासकीय विश्रामगृहात पत्रकार परिषद घेतली. ते म्हणाले, की आमदार शाह म्हणाले, की धुळे शहरातील विकास कामांसाठी राज्याच्या अर्थसंकल्पात ४५ कोटी रुपये निधीची तरतूद झाली असल्याचेही आमदार श्री. शाह म्हणाले.

चक्करबर्डी परिसरातील श्री भाऊसाहेब हिरे शासकीय वैद्यकीय महाविद्यालयाच्या आवारातील रस्ते काँक्रिटीकरण, पाण्याची टाकी व इतर कामांसाठी २० कोटी, आरटीओ कार्यालयाच्या नूतन इमारतीसाठी १२ कोटी, हाजी अन्वर मार्गासाठी चार कोटी ७५ लाख, मोहाडी पुलाखालून जाणाऱ्या रस्त्यासाठी दोन कोटीचा निधी आहे.

याशिवाय पुढील कामे मंजूर झाली आहेत. यामध्ये एसएसव्हीपीएस महाविद्यालय ते मोठ्या पुलापर्यंतच्या रस्ता डांबरीकरणासाठी दोन कोटी, वडजाई रोड काँक्रिटीकरणासाठी सात कोटी, साक्रीरोडसाठी दोन कोटी, चाळीसगाव रोड चौफुली ते लोकमान्य हॉस्पिटल रस्त्यासाठी तीन कोटी ८० लाख रुपये मंजूर झाले, ही कामे प्रगतिपथावर आहेत. तसेच पोलिस वसाहतीमधील रस्ते, गटार व शहीद स्मारकासाठी सहा कोटी रुपये मंजूर झाले असून लवकरच प्रत्यक्ष कामाला सुरवात होईल. मूलभूत सोयी सुविधांतर्गत एक कोटी ८० लाखांच्या कामांना प्रशासकीय मान्यता मिळाली आहे, प्रक्रियेअंती प्रत्यक्ष काम सुरवात होईल, असे श्री. शाह यांनी सांगितले.

मूर्ती काढण्याची होती तयारी

आपण आमदार झालो नसतो तर शहरातील पांझरा नदीवर झुलता पूल तयारच झाला नसता. मी आमदार झाल्यानंतर या पुलाच्या कामासाठी निधी आणला. थोडेफार काम बाकी असेल तर माझ्या स्थानिक निधीतून ते करून देईन. दरम्यान, भारतीय जनता पक्ष तर या पुलावरील भगवान शंकराची मूर्ती काढण्याच्या तयारीत होता, असा आरोपही आमदार श्री. शाह यांनी पत्रकार परिषदेत केला.

---