शिवसेनावासी भाजप नगरसेवकांना दिलासा, सुनावणी टळली!

जळगाव : महापालिका (Jalgaon) नगरसेवक (Corporators) अपात्र प्रकरणी मंगळवारी होणारी सुनावणी पुढे ढकलण्यात आली असून, ती आता ७ जूनला होणार आहे. जळगाव महापालिकेतील भारतीय जनता पक्षाचे (BJP) २७ नगरसेवक फुटले व त्यांनी महापौर निवडणुकीत शिवसेनेला (Shivsena) पाठिंबा दिला होता.

भारतीय जनता पक्षाला दिलेला मतदानाचा व्हीप डावलल्याबद्दल या नगरसेवकांना अपात्र ठरवावे, अशी याचिका भाजपचे गटनेते भगत बालाणी यांनी नाशिक विभागीय आयुक्तांकडे दाखल केली, तर फुटलेल्या गटानेही आम्हीच भाजपचे नगरसेवक आहोत, आमचा व्हीप डावलण्यात आला. त्यामुळे भाजपचे नगरसेवक अपात्र ठरवावेत, अशी याचिका भाजपचे ॲड. दिलीप पोकळे यांनी दाखल केली.

त्यावर नाशिक विभागीय आयुक्तांनी दोन्ही गटांना नोटीस बजावून नाशिक येथे सुनावणीसाठी बोलाविले होते. पुढील सुनावणी आता ७ जूनला होणार आहे.

----