भागवत कराड यांनी दिले दोंडाईचाला ५० कोटी गिफ्ट!

धुळे : दोंडाईचा पालिका क्षेत्रातील भुयारी गटार योजनेचा प्रस्ताव राज्य सरकारने अडविल्याचे कळाले. त्यामुळे पुढील काळात या योजनेसाठी केंद्र सरकारकडून ५० कोटींचा निधी दोंडाईचाला देण्याची ग्वाही केंद्रीय अर्थराज्यमंत्री डॉ. भागवत कराड (Dr Bhagwat Karad) यांनी दिली.

दोंडाईचा (Dondaicha city) येथील अमरावती नदीकाठी रिव्हर फ्रंट विकासाअंतर्गत रस्ते, पथदिवे या सुमारे तीस कोटींच्या कामांचे, सहा कोटी २५ लाख खर्चाचा घनकचरा व्यवस्थापन प्रकल्प आणि बायोगॅस प्रकल्पाचे मंत्री डॉ. कराड यांच्या हस्ते सोमवारी लोकार्पण झाले. तसेच वंजारी समाज मंगल कार्यालयाचा लोकार्पण सोहळा झाला. उद्योगपती सरकारसाहेब रावल, भाजपचे (BJP) खासदार डॉ. सुभाष भामरे, (DR. Subhash Bhamre) आमदार जयकुमार रावल, नगराध्यक्षा नयनकुवर रावल, उपनगराध्यक्ष नबू पिंजारी, मुख्याधिकारी डॉ. प्रवीण निकमआदी उपस्थित होते.

मंत्री कराड म्हणाले, की उत्तर महाराष्ट्रासाठी पुढील काळात लवकरच बैठक घेणार असून याठिकाणी राष्ट्रीयकृत बँकेची गरज असेल किंवा डिजिटल व्यवहारासाठी ज्या आवश्यक सुविधा लागतील त्यासाठी तत्परतेने निर्णय घेतले जातील. दोंडाईचा शहराचा आमदार रावल यांच्यामुळे विकास होत आहे. त्यांचे केंद्रीय मंत्रिमंडळात चांगले वजन आहे. त्यामुळे अनेक केंद्रीय मंत्री विविध विकास कामांच्या उद्‌घाटनासाठी येत आहेत. डॉ. भामरे, श्री. रावल यांनी मनोगत व्यक्त केले.

...