Dhule News : धुळे शहरातील विविध भागात गेल्या काही महिन्यांपासून विशिष्ट घटकांकडून दोन समाजांमध्ये तेढ निर्माण होईल, शहरातील सामाजिक स्वास्थ्य बिघडून दंगल घडेल, शहरात अंशातता निर्माण होईल या उद्देशाने चिथावणीचे प्रकार सुरू झाले आहेत. काही महिन्यांपासून हिंदू नागरिकांवर होत असलेल्या सततच्या हल्ल्यांनी साऱ्यांचीच चिंता वाढली आहे. या प्रकारांमुळे शहरातील सामाजिक सलोखा धोक्यात आला असल्याची चिंता आमदार अनुप अग्रवाल यांनी सोमवारी विधिमंडळाच्या अधिवेशनात व्यक्त केली.
आमदार अग्रवाल म्हणाले, अशा प्रकारांना पायबंद घालण्यासाठी संबंधितांवर कठोरात कठोर कारवाई करण्याची गरज आहे. मात्र काहीच ठोस कारवाई होत नसल्याने समाजकंटक मोकाट आहेत. सरकारने वेळीच हस्तक्षेप करत पोलिस प्रशासनाला कठोर कारवाईचे निर्देश द्यावेत, अशी मागणी आमदार अग्रवाल यांनी केली. त्यामुळे धुळे शहरात नेमकं कोण अशांतता पसरवतंय असा सवाल उपस्थित झाला आहे.
धुळे शहरात गेल्या ३० एप्रिलला वक्फ कायद्याला विरोध करताना विनापरवानगी शहरातील विविध भागांतील वीजपुरवठा खंडित करण्याचा प्रकार घडल्याचे आमदार अग्रवाल यांनी सांगितलं. याच वेळी काही समाजकंटकांनी विशिष्ट धर्माच्या धार्मिक स्थळांना लक्ष्य करत दगडफेक केली. या प्रकरणी वीज कंपनीच्या अधिकाऱ्यांनी आझादनगर पोलिस ठाण्यात फिर्याद देऊन गुन्हाही दाखल केला. मात्र, समाजकंटकांवर अद्याप कुठलीच कारवाई करण्यात आलेली नाही.
गेल्या २१ मे रोजी ख्रिश्चन मिशनरी युवतींकडून भाऊसाहेब हिरे शासकीय वैद्यकीय महाविद्यालय व सर्वोपचार रुग्णालयात जाऊन गोरगरीब रुग्णांना तसेच रहिवास भागातील नागरिकांना बायबल ग्रंथ आपल्या छातीवर ठेवला, तर आपले सारे असाध्य आजार बरे होतील, असे सांगत धर्मांतराचा प्रयत्न झाला. याबाबत अटकेनंतर त्यांना नोटीस देऊन सोडून देण्यात आल्याचे आमदार अग्रवाल म्हणाले.
पाचकंदील भागात काही समाजाच्या फळ विक्रेत्यांकडून अन्य समाजाच्या व्यापाऱ्याला मारहाण करण्यात आली. हे प्रकार नित्याचेच झाले आहेत. तरीही पोलिसांकडून ठोस कारवाई होत नाही. संशयितांना जामिनावर सोडून दिलं जातं. देवपूरमधील पान दुकानावरील वाद, मारहाण दगडफेकीच्या घटना, मोहाडी परिसरातील पार्टीची घटना पाहाता शहराला अशांततेत लोटण्याचा प्रयत्न केला जात असल्याचा आरोप करत यावर वेळीच कारवाई करावी अशी मागणी भाजप आमदार अग्रवाल यांनी केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.