Jalgaon News : भाजपचे प्रदेशाध्यक्ष चंद्रशेखर बावनकुळे यांनी देवेंद्र फडणवीस हे पुढचे मुख्यमंत्री असल्याचे जाहिर केले आहे. त्यामुळे एकनाथ शिंदे व अजित पवार यांचे काय ? असा प्रश्‍न निर्माण होत आहे. अशा प्रकारच्या दाव्या प्रतिदाव्यामुळे निवडणुकांच्या वेळेस तीन्ही पक्षाच्या आपसातील भानगडी समोर येतील, असा दावा राज्याचे माजी मंत्री व राष्ट्रवादी कॉंग्रेसचे नेते एकनाथ खडसे (Eknath Khadse) यांनी केला आहे.
मुक्ताईनगर येथे प्रसार माध्यमांशी बोलतांना खडसे म्हणाले, भारतीय जनता पक्षाने (BJP) राज्यातील ४८ लोकसभेच्या जागासाठी चाचपणी सुरू केली आहे. त्यातील ४५ जागा निवडून येतील असा दावा त्यांचा आहे. त्याचबरोबर संपूर्ण विधानसभा क्षेत्रात त्यांची चाचपणी सुरू आहे, देंवेद्र फडणवीस पुढचे भावी मुख्यमंत्री असतील असे बावनकुळे यांनी सांगितले आहे.
जर भाजपला मुख्यमंत्रीपदासाठी देवेंद्र फडणवीस (Devendra Fadnavis) यांचे नाव पुढे करायचे असेल तर आज त्यांच्या सोबत असलेल्या मुख्यमंत्री एकनाथ शिंदे व पुढे मुख्यमंत्रीपदाची प्रतिक्षा करीत असलेल्या अजित पवारांचे (Ajit Pawar) काय ? असा प्रश्‍न निर्माण होत आहे. एकनाथ शिंदे सध्या मुख्यमंत्री आहेत. मात्र, निवडणुकीत जर असे ते दावे प्रतिदावे करीत असतील तर तिघांचे कसे जमेल दिसून येत आहे. ज्यावेळी प्रत्यक्ष निवडणुकीच्या जागांचे वाटप सुरू होईल, त्यावेळी त्यांच्या आपसातील भानगडी बाहेर येतील असेही खडे म्हणाले.
कादां उत्पादक संकटात
कांद्यावर केंद्र सरकारने लावलेल्या निर्यात शुल्काबाबत बोलतांना खडसे म्हणाले, चाळीस टक्के निर्यात शुल्क सरकारने लावल्यामुळे फार गोंधळाची स्थिती निर्माण झाली आहे. कांद्याला भाव नसल्यामुळे शेतकरी त्रस्त आहेत. आता थोड्याफार प्रमाणात भाव मिळाला तर त्यावर शासनाने निर्यात शुल्क लावले. त्यामुळे कांदा उत्पादक शेतकरी खऱ्या अर्थाने संकटात सापडला आहे. शेतकऱ्यांच्या कांद्याला स्थिर भाव मिळावा यासाठी सरकारने काही उपाययोजना करायला हव्यात, अशी मागणीही त्यांनी केली.
Edited by : Amol Jaybhaye
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.