Eknath Khadse on Bihar Election : एकनाथ खडसे यांनी बिहार निकालाची चिरफाडच केली, हा विजय 'एनडीए'चा नव्हे...

Bihar Result News: बिहार विधानसभा निवडणुकीचा निकाल शुक्रवारी जाहीर झाला. इंडियाला प्रचंड बहुमताने सत्तेत येण्याची संधी मतदारांनी दिली. त्यावर विविध प्रतिक्रिया व्यक्त होत आहेत. बिहार विधानसभा निवडणुकीत पंतप्रधान नरेंद्र मोदी आणि मुख्यमंत्री नितीश कुमार यादव यांच्या बाजूने निकाल लागला. या निवडणुकीत विरोधकांची धूळधाण झाली. एनडीए पाचव्यांदा सत्तेत येत आहे.

या निकालावर देशभरात संमिश्र प्रतिक्रिया आहेत. भाजप आणि त्यांच्या सहकाऱ्यांनी या निकालाचे जोरदार स्वागत केले. विरोधकांनी यावर सावध प्रतिक्रिया दिल्या. केंद्रीय निवडणूक आयोगाच्या कामकाजावर प्रश्नचिन्ह निर्माण केले. या संदर्भात माजी मंत्री एकनाथ खडसे यांनी या निकालावर आपली प्रतिक्रिया दिली. त्यांनी अक्षरशा या निकालाचे चिरफाड केले. राजकीय दृष्ट्या हा निकाल वेगळाच संदेश देणारा असल्याचे संगीतले.

ते म्हणाले, बिहार विधानसभा निवडणुकीत पंतप्रधान नरेंद्र मोदी किंवा मुख्यमंत्री नितीश कुमार विजयी झालेले नाही. या निवडणुकीत लाडकी बहीण निवडून आली आहे. त्याच दृष्टिकोनातून मतदानावर प्रभाव आणि परिणाम झालेला दिसतो. लाडकी बहीण योजना मध्य प्रदेशातून महाराष्ट्रात आली. महाराष्ट्रातून ती बिहारमध्ये पोहोचले. एका महिलेला दहा हजार रुपये देण्यात आले. त्याचा मोठा परिणाम निकालावर दिसून येतो.

निवडणूक प्रक्रिया सुरू असताना सरकारने महिलांना दहा हजार रुपये दिले. एका एका घरात 40 ते 50 हजार रुपयांहून अधिक रक्कम जमा झाली. त्याचा मतदारांवर परिणाम होणारच. या लाडक्या बहिणींनी त्या पैशांना जागून मतदान केले.

निवडणुकीत पंतप्रधान नरेंद्र मोदी किंवा मुख्यमंत्री नितेश कुमार यांच्या गुणवत्तेवर अथवा कामावर मतदान झालेले नाही. या निवडणुकीत लाडकी बहीण विजयी झाली आहे. यातून काळजी करावा असा संदेश देशभरातील मतदार आणि कार्यकर्त्यांना गेला आहे, अशी खंत माजी मंत्री खडसे यांनी व्यक्त केली.