Eknath Shinde : "शिंदेनी नुसता दाढीवर हात फिरवला असता तर राऊत खासदारकीत आडवे झाले असते"

जळगाव : "एकनाथ शिंदे यांनी नुसता दाढीवर हात फिरविला असता तर संजय राऊत खासदारकीच्या निवडणुकीत आडवा झाला असता, आज खासदारही राहिला नसता," अशा एकेरी शब्दात राऊतांवर खरमरीत टिका राज्याचे पाणी पुरवठा व स्वच्छत मंत्री गुलाबराव पाटील (Gulabrao Patil) यांनी जळगाव येथे हिंदू जनसंघर्ष समिती तर्फे आयोजित आक्रोश मोर्चात बोलताना केली.

जळगाव येथे हिंदू जनसंघर्ष समितीतर्फे आयोजित आक्रोश मोर्चाचे आयोजन करण्यात आले होते. यावेळी बोलताना राज्याचे पाणी पुरवठा मंत्री गुलाबराव पाटील म्हणाले की, "मुख्यमंत्री एकनाथ शिंदे यांच्यावर खासदार संजय राऊत टिका करीत आहेत, मात्र त्यांना आमचे एकच अवाहन आहे, जर राज्यसभा निवडणुकीत एकनाथ शिंदे यांनी नुसता दाढीवर हात फिरविला असता, तर संजय राऊत खासदार झाला नसता. आडवा पडला असता. आज खासदारही राहिला नसता. त्यामुळे त्यांनी उगाच टिका करू नये.

यावेळी बोलतांना ते पुढे म्हणाले, पालकमंत्री या नात्याने हिंदू जनजागृती समितीतर्फे मागण्यांचे निवेदन घेण्यासाठी आलो आहे. अनेक पक्षांचे पदाधिकारी हिंदू ऐक्यासाठी एकत्र आले आहेत. जे मुस्लिम समाजबांधव आमच्यासोबत असतील, त्यांना आमचे सांगणे आहे. ‘इस देशमें रहेना होंगा तो वंदे मातरम कहना होगा’. आम्ही कोणत्या धर्माविषयी बोलत नाही. मात्र, आमच्याकडे कोणी वाकड्या नजरेने पाहिले, तर आम्ही गांधीजी नाहीत, या गालात मारली तर दुसरा गाल पुढे करणार नाही, आम्ही जशास तसे उत्तर देवून हे लक्षात ठेवावे."

"जनतेच्या आशीर्वादाने मी मंत्री झालो आहे.तीन पक्षाचे सरकार असते तर मी या व्यासपीठावर येवूच शकलो नसतो, कारण त्यावेळी या बाजूला कॉंग्रेस असती आणि एका बाजूला राष्ट्रवादी राहिली असती, आज एका बाजूला भाजप आहे, दुसऱ्या बाजूला सनातन आहे. चार महिन्यांपूर्वी गाडी बदलविली. ‘इस रूट की सभी लाइन व्यस्त है, सिधे गुवाहाटी. सत्तेसाठी सतराशे साठ, आमच्यासाठी एकच हृदयसम्राट शिवसेनाप्रमुख बाळासाहेब ठाकरे आहेत," असे पाटील म्हणाले.

"हिंदू एकजुटीचे मी आभार मानतो. आमच्यावर मोठी टीका झाली. हिंदू समितीच्या मागण्या पूर्ण करण्यासाठी मुख्यमंत्री शिंदे तिकडे बसले आहेत. सर्व मागण्या पूर्ण करण्यासाठी विधानसभेत आवाज उठवू, अशी ग्वाही देतो," असेही पाटील म्हणाले.