Rajabhau Vaje Politics: कुंभमेळा ठराविक नेते अन् सत्ताधारी मंत्र्यांचाच आहे का? खासदार राजाभाऊ वाजे यांचा प्रश्न!

Rajabhau Vaje News: सिंहस्थ कुंभमेळ्याच्या आढावा बैठकी वादाच्या ठरण्याची चिन्हे आहेत. जलसंपदा मंत्री गिरीश महाजन आणि मुख्यमंत्र्यांनी या बैठकांना ठराविक नेत्यांनाच निमंत्रण दिले. त्यावरून राजकीय वादाला तोंड फुटले आहे.

शिवसेना उद्धव बाळासाहेब ठाकरे पक्षाचे खासदार राजाभाऊ वाजे यांनी याबाबत आपली नाराजी स्पष्ट केली आहे. राष्ट्रवादी काँग्रेस शरदचंद्र पवार पक्षाचे खासदार भास्करराव भगरे यांनी यापूर्वी थेट तक्रार केली होती. त्यामुळे कुंभमेळा नियोजन बैठक राजकीय वादाला फोडणी देण्याची शक्यता आहे.

नाशिकला आगामी २०२७ मध्ये सिंहस्थ कुंभमेळा होत आहे. या कुंभमेळ्यासाठी मुख्यमंत्री देवेंद्र फडणवीस यांच्या उपस्थितीत दोन बैठका झाल्या. सिंहस्थ कुंभमेळा मंत्री गिरीश महाजन यांनीही नाशिकला कुंभमेळ्याबाबत विकास कामांच्या नियोजनाची बैठक घेतली.

आज पर्यंत झालेल्या सर्व सिंहस्थ कुंभमेळा आढावा बैठकांना जिल्ह्यातील दोन्ही खासदारांना निमंत्रण देण्यात आले नाही. जिल्ह्यात धुळे मतदार संघाच्या काँग्रेसच्या खासदार डॉ शोभा बच्छाव यांसह नाशिकचे खासदार वाजे आणि दिंडोरीचे भगरे आहेत. हे तिघेही विरोधी पक्षाचे असल्याने त्यांना राजकीय भूमिकेतून बैठकांना टाळले, असा असा आरोप होत आहे.

या संदर्भात खासदार वाजे यांनी समाज माध्यमांवर एक व्हिडिओ प्रसारित केला आहे. आपल्याला सिंहस्थ कुंभमेळ्याच्या बैठकीसाठी का टाळले याचा जाब विचारणार असल्याचे त्यांनी सांगितले. खासदार वाजे यांच्या मतदारसंघात कुंभमेळा होत आहे. असे असतानाही लोकप्रतिनिधींना दूर ठेवणे हे संकेत मोडणारे आहे.

या संदर्भात लवकरच जिल्हा प्रशासन तसेच संबंधितांना आपण जाब विचारणार आहोत. राज्य शासनाला याचे स्पष्टीकरण द्यावेच लागेल. सिंहस्थ कुंभमेळा हा संबंध नाशिककर आणि महाराष्ट्रातील नागरिकांचा आहे. प्रत्येकाला त्याविषयी असता आहेत. अनेक नागरिक या संदर्भात विविध मागण्या आपल्याकडे करीत असतात.

सिंहस्थ कुंभमेळ्याचे नियोजन आणि कार्यवाही नाशिक लोकसभा मतदारसंघात आहे. या भागातील विकास कामे हा खासदारांशी देखील संबंधित विषय आहे. त्यामुळे खासदारांना बैठकीला निमंत्रण न देणे हे राजकीय आणि प्रशासकीय स्तरावर देखील वादाचा विषय ठरण्याची चिन्हे आहेत.

-----