Jamkhed Bazar Samiti: राम शिंदे-रोहित पवारांमध्ये पुन्हा काँटे की टक्कर; कर्जतप्रमाणेच जामखेडलाही मिळाल्या समसमान जागा..

Ahmednagar News : राज्यातील अनेक कृषी उत्पन्न बाजार समित्यांच्या निवडणुकीसाठी आज मतदान पार पडले. त्यानंतर अनेक बाजार समित्यांचे निकालही आजच समोर आले आहेत. यातच नगर जिल्ह्यातील जामखेड बाजार समितीतीचा निकाल समोर येत आहे.

जामखेड बाजार समितीच्या निवडणुकीचा 18 जागांचा निकाल हाती आला आहे. यामध्ये भाजपचे आमदार राम शिंदे यांच्या गटाला ९ जागा तर राष्ट्रवादीचे आमदार रोहित पवार यांच्या गटाचा ९ जागांवर विजय झाला आहे.

कर्जतप्रमाणेच जामखेड बाजार समिती निवडणुकीतही चुरशीची झाली. दरम्यान, जामखेड बाजार समितीच्या सभापतीच्या निवडीतही कोण बाजी मारणार? याकडे सर्वांचे लक्ष लागले आहे.

दरम्यान, कर्जत कृषी उत्पन्न बाजार समितीच्या निवडणुकीतही भाजपचे आमदार राम शिंदे आणि राष्ट्रवादीचे आमदार रोहित पवार यांच्या गटामध्ये काँटे की टक्कर पाहायला मिळाली.

कर्जत बाजार समितीत दोन्ही गटाला 9-9 जागा मिळाल्या. त्यानंतर आता जामखेड बाजार समितीच्या निवडणुकीतही अत्यंत चुरस पाहायला मिळाली. कर्जतप्रमाणे पुन्हा 9-9 अशा जागांवर दोन्ही गटाचा विजय झाला.

Edited By- Ganesh Thombare