MVP News: मविप्र संस्थेत स्वयंम सहाय्यीत विद्यापीठ करण्याचा निर्णय विचाराधीन आहे. या पार्श्वभूमीवर सत्ताधारी आणि विरोधक वाद रंगला आहे. या पार्श्वभूमीवर संस्थेच्या अध्यक्षांनी आज जेष्ठ नेते शरद पवार यांची भेट घेतली.
नाशिकची मराठा विद्या प्रसारक समाज ही राज्यातील आघाडीची आणि सुमारे दहा हजार सभासद असलेली शिक्षण संस्था आहे. रयत शिक्षण संस्थे खालोखाल बहुजन समाजाची संस्था म्हणून तिचे नाव घेतले जाते. या संस्थेच्या सभासदांमध्ये ज्येष्ठ नेते शरद पवार यांना मानाचे स्थान दिले जाते.
मविप्र संस्थेत स्वतंत्र विद्यापीठ करण्याचा विचार सुरू आहे. या संदर्भात संस्थेचे अध्यक्ष डॉ सुनिल ढिकले यांसह विविध पदाधिकाऱ्यांनी आज नाशिक येथे ज्येष्ठ नेते शरद पवार यांची भेट घेतली. यावेळी स्वतंत्र विद्यापीठ या विषयावर चर्चा झाली.
मराठा विद्या प्रसारक समाज संस्थेचे अध्यक्ष डॉ सुनील ढिकले, संस्थेचे माजी चिटणीस पंडितराव पिंगळे, प्रणव वसंतराव पवार, मोहनराव पिंगळे आणि सचिन पिंगळे यांनी यासंदर्भात ज्येष्ठ नेते पवार यांच्याशी चर्चा केली. मविप्र संस्थेत स्वयंम सहाय्यीत विद्यापीठ करण्याचा विषय आजच्या सर्वसाधारण सभेत चर्चेला येणार आहे. या पार्श्वभूमीवर शिष्टमंडळाने श्री पवार यांना माहिती दिली.
ज्येष्ठ नेते पवार यांच्या नेतृत्वाखाली काम करणाऱ्या रयत शिक्षण संस्थेने अद्याप स्वतंत्र विद्यापीठाचा विषय स्वीकारलेला नाही. श्री पवार यांच्या बारामती येथील विद्या प्रतिष्ठान संस्थे पस्तीस हजार विद्यार्थी शिक्षण घेतात. मात्र या संस्थेतही स्वतंत्र विद्यापीठ करण्याचा विचार आम्ही टाळला, असे पवार म्हणाले.
पुणे विद्यापीठ हे जागतिक दर्जाचे आणि राज्यातील पहिल्या क्रमांकाचे विद्यापीठ आहे. या विद्यापीठाच्या पदवीला सर्व दूर मान्यता आणि प्रतिष्ठा आहे. त्यामुळे विद्यार्थ्यांना स्वतंत्र विद्यापीठाऐवजी पुणे विद्यापीठाची पदवी नेहमीच पसंती असते. त्यात शैक्षणिक हित देखील आहे, असे शरद पवार यांनी यावेळी सांगितले.
मविप्र संस्थेचे सरचिटणीस नितीन ठाकरे यांनी विद्यापीठ निर्मिती बाबत आग्रही भूमिका घेतली आहे. त्यावरून सत्ताधारी आणि विरोधक असे दोन गट पडले आहेत. या पार्श्वभूमीवर आज संस्थेची वार्षिक सर्वसाधारण सभा होत आहे. या सभेत हा विषय चर्चेला येणार असतानाच, शरद पवारांनी यावर आपले मत संस्थेच्या अध्यक्ष आणि शिष्टमंडळाकडे व्यक्त केल्याने, सभेत काय होते याची उत्सुकता वाढली आहे.
------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.