Nagaradhyaksha Reservation : नाशिक जिल्ह्यात महिलाराज ! नगराध्यक्षपदांची आरक्षण सोडत जाहीर, पाहा कुणाला संधी?

Nashik Nagaradhyaksha reservation : स्थानिक स्वराज्य संस्थांच्या निवडणुका 'मिनी विधानसभा' निवडणुका मानल्या जात असल्याने याचे राजकीय महत्त्व मोठे आहे. त्यामुळे सर्वच राजकीय पक्षांनी या निवडणुकांची तयारी सुरु केली आहे. सर्वोच्च न्यायालयाने जानेवारी महिना संपण्याच्या आधी स्थानिक स्वराज्य संस्थांच्या निवडणुका घेण्याचे आदेश राज्य सरकारला दिले होते. त्यामुळे प्रशासनाच्या तयारीला वेग आला आहे.

स्थानिकच्या निवडणुकांचा बिगुल वाजला असून त्यापार्श्वभूमीवर आज (दि. ६) राज्यातील १४७ नगरपंचायती आणि २४७ नगरपालिकांच्या नगराध्यक्षपदाचे आरक्षण सोडत जाहीर करण्यात आले. नाशिक जिल्ह्यातील नगरपरिषद आणि नगरपंचायतींचे आरक्षणही या सोडतीत निश्चित करण्यात आले. जाहीर झालेल्या आरक्षणामुळे कोणत्या राजकीय पक्षाला फायदा आणि तोटा होईल हे आता निवडणुकीवेळीच स्पष्ट होईल.

नाशिक जिल्ह्यात ९ नगरपरिषद आणि ६ नगरपंचायत आहेत. त्यापैकी त्र्यंबकेश्वर, इगतपुरी, भगूर, येवला, सटाणा या नगरपरिषदा ओबीसी महिला प्रवर्गासाठी आरक्षित झाल्या आहेत. तर ओझर अनुसूचित जाती महिला आणि कळवण व सुरगाणा नगरपंचायतचे नगराध्यक्षपद ओबीसी प्रवर्गाकरिता राखीव झाले आहे. तसेच पेठ, दिंडोरी खुला महिला प्रवर्गासाठी तर देवळा अनुसूचित जमातीसाठी आरक्षित झाले आहे. याशिवाय मनमाड आणि नांदगाव नगरपरिषद खुला प्रवर्गासाठी आरक्षित झाली आहे. त्यामुळे नाशिकमध्येही महिला राज असणार आहे.

मंत्रालयातील सहाव्या मजल्यावरील परिषद सभागृह येथे मंत्री माधुरी मिसाळ यांच्या अध्यक्षतेखाली आरक्षण सोडत जाहीर करण्यात आली. या वेळी विविध राजकीय पक्षांचे पदाधिकारी उपस्थित होते. 33 नगरपरिषदांपैकी 16 नगरपरिषदांसाठी अनुसूचित जाती महिला आरक्षण निश्चित झाले असून, यामुळे आगामी निवडणुकीत महिला नेतृत्वाला मोठी संधी मिळणार आहे.

नाशिक जिल्ह्यातील आरक्षण सोडत जाहीर

देवळा : अनुसूचित जमाती

ओझर : महिला (खुला महिला प्रवर्ग)

भगूर : ओबीसी महिला

इगतपुरी : ओबीसी महिला

सटाणा : ओबीसी महिला

त्र्यंबकेश्वर : ओबीसी महिला

मनमाड : खुला

नांदगाव : खुला

कळवण : ओबीसी

सुरगाणा : ओबीसी

पेठ : खुला महिला

दिंडोरी : खुला महिला