Pune Police inquiry Nilesh Ghaywal : पुण्यातील कुख्यात निलेश घायवळ हा परदेशात पसार झाला. सुरूवातीला सांगितलं गेलं लंडन गेला, नंतर माहिती समोर आली की, तो स्वित्झर्लंडमध्ये आहे.
पण परदेशात पसार होण्यासाठी त्याने पासपोर्ट कसा मिळवला हा संशोधनाचा विषय आहे. पुणे पोलिस त्यावर तपास करत आहे. त्यातून एक-एक धक्कादायक माहिती समोर येऊ लागली आहे. यामुळे पोलिस देखील चक्रावले आहेत. परदेशात पसार असलेल्या निलेश घायवळ याच्या मागावर पुणे पोलिस आहेत. पुणे पोलिसांच्या या तपासावर, फिल्मसारखचं झालं आहे, पुलिस हमेशा देर से क्यों पहुंचती है, सर! हा डायलाॅग चर्चेत आलं आहे.
निलेश घायवळ हा पुण्यातून (Pune) गुन्हेगारी क्षेत्रात कार्यरत! तिथं त्याचं अलिशान असं घर देखील आहे. पण त्याने पासपोर्ट मिळवण्यासाठी पुण्याच्या घरचा पत्ता देण्याऐवजी अहिल्यानगर शहरातील पत्ता दिला. नुसता पत्ता बदलला नाही, तर त्यासाठी अडनावात देखील बदल केला. घायवळचे त्याने 'गायवळ' केले. निलेश बन्सीलाल गायवळ नाव देताना रहिवाशी पुरावा म्हणून आधार कार्ड जोडले. हे आधार कार्ड देखील बनावट असल्याचे पोलिस तपासात आता समोर आलं आहे.
पासपोर्टसाठी निलेश घायवळने अहिल्यानगरमधील गौरी घुमट, आनंदी बाजार, माळीवाडा मार्ग, असा पत्ता दिला होता. आता या पत्त्यावर पुणे पोलिसांनी (Police) तपास केला. यात पासपोर्ट व्हेरिफेक्शनसाठी निलेश घायवळ याने जोडलेले कागदपत्रे, आधारकार्ड, पॅनकार्ड आणि भाडे करारपत्र हे बनावट असल्याची माहिती समोर आली आहे.
अहिल्यानगरचे पोलिस अधीक्षक सोमनाथ घार्गे यांनी यावर आज माध्यमांशी संवाद साधला. ते म्हणाले, "निलेश घायवळ याचे पासपोर्ट व्हेरिफेक्शनसाठी पासपोर्ट पुणे प्रादेशिक कार्यालयाकडून डिसेंबर 2019 मध्ये प्रकरण आले होते. यासाठी निलेश घायवळ याने अहिल्यानगर शहरातील कोतवाली पोलिस ठाण्याच्या हद्दीतील पत्ता दिला. पोलिसांच्या तपासणीत ही व्यक्ती संबंधित पत्त्यावर आढळून आली नाही. त्यामुळे तत्कालीन पोलिस अधीक्षकांनी प्रतिकूल म्हणजे, ही व्यक्ती आढळून येत नसल्याचा शेरा मारून पासपोर्ट पुणे प्रादेशिक कार्यालयाकडे प्रकरण पाठवले होते."
कुख्यात गुंड निलेश घायवळ पोसपोर्टप्रकरणी अनेक प्रश्न उपस्थित होत आहे. कोथरूड इथल्या घटनेनंतर निलेश घायवळ टोळीचे कारनामे पुन्हा चर्चेत आलेत. निलेश घायवळ याला राजकीय बळ होते. त्याचा राजकीय नेत्यांशी असलेला वावर नेहमीच चर्चेत राहिला आहे. पुणे आणि अहिल्यानगरमधील पोलिसांकडून त्याच्या पासपोर्टसाठी अहवाल प्रतिकूल म्हणजे, ही व्यक्ती आढळून येत नसल्याचा शेरा मारून देखील त्याने पासपोर्ट मिळवला कसा? याचा शोध घेताना पुणे पोलिस चक्रावून गेली आहे.
पुण्यातील पासपोर्ट प्रादेशिक कार्यालयाचा कारभारावर आता शंका घेतल्या जाऊ लागल्या आहेत. पुणे पोलिसांनी अहिल्यानगर येत केलेला तपास आता पासपोर्ट प्रादेशिक कार्यालयाच्या दिशेने जाताना दिसतो आहे. अहिल्यानगर पोलिसांचा पासपोर्ट प्रकरणावरील शेरा महत्त्वपूर्ण ठरणार आहे. त्यामुळे या प्रकरणात मोठे खुलासे होण्याची शक्यता वर्तवली जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.