मशिदीसमोर घोषणा देणाऱ्या मनसे नेत्यांना अटक!

नाशिक : अजान विरोधात नाशिकमध्ये (Nashik) आज पहाटे आंदोलन झाले. पहाटे अजान सुरू होताच मनसे (MNS) कार्यकर्त्यांनी विरोध केला. या कार्यकर्त्यांना पोलिसांनी (Police arrest MNS activists) ताब्यात घेतले. यावेळी माजी नगरसेविका सुजाता डेरे (Suajata Dere) यांना अटक करण्यात आली. शहरातील २९ जणांना नोटीस बजावण्यात आली आहे. (Loudspeaker controversy News in Marathi)

मनसे अध्यक्ष राज ठाकरे यांनी आज मशिदींवरील भोग्याच्या विरोधात आंदोलनाचा इशारा दिला होता. त्याचे फडसाद अपेक्षीत होते. पहाटेच्या सुमारास दूध बाजार येथील मशिदीमध्ये अजान सुरू होताच मनसे कार्यकर्ते आणि माजी नगरसेविका सुजाता डेरे यांनी श्रीरामाच्या घोषणा देत विरोध केला. हे लक्षात आल्यानंतर पोलिसांनी तातडीने सुजाता डेरे आणि त्यांच्यासमवेत असलेल्या इतर कार्यकर्त्यांना ताब्यात घेतले.

जुने नाशिक परिसरात छप्परीची तालीम येथील मंदिरात अज्ञात व्यक्तीने समोरच्या मशिदीमध्ये सुरू असलेल्या मशिदीत आजान सुरु होताच भोंग्यावर हनुमान चालीसा सुरु केली. पोलिसांनी येथील भोगा जप्त केला. याठिकाणी अज्ञात व्यक्तींनी हा भोंगा सुरू केला होता. त्यामुळे अज्ञात व्यक्तीविरोधात तक्रार नोंदविण्यात आली आहे.

आज पहाटे दोनपासून शहरातील विविध भागांमध्ये पोलिसांनी गस्त सुरू केली आहे. अतिशय कडक पोलिस बंदोबस्त असताना देखील या घटना घडल्या. सातपूर परिसरामध्ये पोलिसांकडून काही भोगे देखील जप्त करण्यात आल्याचे सांगण्यात आले आहे.

शहरातील संवेदनशील मशिदीबाहेर पोलिसांचा बंदोबस्त आहे. सकाळपासून शहरातील मनसे एकोणतीस पदाधिकाऱ्यांना पोलिसांनी ताब्यात घेतलं. यापैकी काही जणांना तडीपारीच्या नोटिसा देण्याची कार्यवाही सुरू असल्याची माहिती प्रशासनाने दिली.

---