कोरोनाग्रस्त असुनही मंत्री भारती पवार यांचा कोरोना रोखण्यासाठी लढा!

नाशिक : तीन दिवसांपूर्वी केंद्रीय आरोग्य राज्यमंत्री डॅा. भारती पवार (Bharati Pawar) कोरोनाबाधित झाल्या. त्यामुळे सध्या त्या क्वारंटाईन आहेत. कोरोनाबाधित असुनही त्या स्वस्थ न बसता सातत्याने केंद्र व राज्य शासनाच्या (State Government) प्रशासनाला कोरोना (Covid19) प्रसार रोखण्यासाठी सक्रीय करण्यात व्यस्त आहेत.

केंद्रीय आरोग्य राज्यमंत्री भारती पवार यांनी आज राज्यातील कोरोना परिस्थीतीचा आढाव घेतला. कोरोनाच्या आणि ओमिक्रॉनच्या पार्श्वभूमीवर आज आढावा घेतला. पेशंटची संख्या वाढली तर काय काळजी घ्यायला हवी तसेच त्या त्या राज्यांनी काय निर्णय घ्यावे. आयसीयु बेड्स उपलब्धता याबाबत केंद्राने गाईड लाईन दिल्या होत्या असे भारती पवार म्हणाल्या.

राज्यात कोविडचे रुग्ण मागच्या काही आठवड्यात वाढत आहेत. ओमिक्रॉनचे रुग्ण देखील वाढत आहेत. आताच काळजी घेतली तर प्रसार रोखता येईल. यासाठी केंद्र सरकार सातत्याने गाईडलाईन्स देत आहे. हेल्थ सेक्रेटरी सर्व राज्यातील हेल्थ सेक्रेटरीसोबत चर्चा करत आहोत. कोरोनाची सध्याची लाट विचारात घेता केंद्र शासनाने यापूर्वीच विविध सुचना केल्या आहेत. त्याचे काटेकोर पालन करण्याची गरज आहे. त्यातूनच हा प्रसार रोखता येईल असा दावा त्यांनी केली.

किट्ससाठी राज्यांना निधी दिला आहे. केंद्राने सर्वच बाबतीत मदत दिलेली आहे. केरळ, महाराष्ट्र येथे रुग्णाची संख्या वाढत आहे. या राज्यांना सतर्कतेचा इशारा दिला आहे. मुंबईमध्ये संख्या वाढत आहे ही काळजीची गोष्ट आहे. सरकार म्हणतं केंद्र सरकार देत नाही काय देत नाही ते तरी सांगा केंद्रिय मंत्र्यांनी देखील लक्ष दिलेले आहे. आता सर्वांनी सतर्क रहायला हवे असे आवाहन भारती पवार यांनी केली आहे. ज्या गाईडलाईन्स दिल्या त्या पळायला हव्यात. हा व्हायरस विरोधातील लढा आहे. राज्यमंत्री भारती पवार यांनी सतर्क राहण्याचे आणि केंद्राकडून हवी ती मदत करण्याचे आश्वासन दिेले आहे.

...