राज ठाकरे भोंग्यांचा मुद्दा चुकीच्या पध्दतीने मांडत आहेत!

मुंबई : महाराष्ट्र नवनिर्माण सेनेचे (MNS) नेते राज ठाकरे (Raj Thakre) आपला मुद्दा चुकीच्या रितीने मांडत आहेत. उद्धव ठाकरे (Uddhav Thakre) आणि राज ठाकरे दोघेही हिंदूत्वाचाच मुद्दा मांडत आहेत. मात्र दोघेही एकमेकांचे हिंदूत्व (Hindutva) चुकीचे असल्याचे सागंत आहेत. जनतेने यातील काय खरे मानावे, असे प्रश्न भटके विमुक्त समाजाचे ज्येष्ठ नेते हरिभाऊ राठोड यांनी केला आहे.

श्री. राठोड म्हणाले, महाराष्ट्र नवनिर्माण सेनेचे अध्यक्ष राज ठाकरे यांचा जो मुद्दा आहे, तो चागंला आहे. बरोबर मुद्दा आहे. बरोबर मुद्दा यासाठी आहे, की भोंग्यांचा त्रास होतो ते बरोबर आहे. मात्र त्यासाठी या प्रकारे विषय पुढे नेणे हे योग्य नाही. त्या पध्दतीने लोकांपुढे हा विषय मांडणे हे देखील चुकीचे आहे. तुम्हाला हे मुद्दे पुढे आणायचे आहे किंवा उचलायचे आहे तर तुम्ही सरकारकडे रितस अर्ज करा. त्यातून तो सोडविण्याचा प्रय्तन करणे हेच योग्य आहे.

ते पुढे म्हणाले, तुम्ही हिंदूत्वाचा मुद्दा आहे, तो पुढे नेत आहात. त्यात दोघेही भाऊ वेगवेगळी भूमिका मांडत आहेत. एक भाऊ म्हणतो, त्यांचे हिंदूत्व बोगस आहे. यामध्ये आमच्या सारख्या लोकांच्या मनात विचार येतो, की आम्ही काय करायचे. मी लहान असताना, चौथी इयत्तेत शिकत होतो. तेव्हा मला प्रवेश अर्जात लिहायचे होते. जात, धर्म वगैरे. तेव्हा मी आईला विचारले. आपला धर्म कोणता आहे. तेव्हा माझी आई म्हणाली होती, की आपण मुस्लीम नाही आहोत. मात्र हिंदू सारखे आहोत.

ते म्हणाले, मी सतत विचार करीत असतो की, खरोखर आम्ही हिंदू आहोत का?. की आम्ही उपहिंदू आहोत. मला हे सगळ्यांना आवर्जुन सांगायचे आहे. बौध्द, मागासवर्गीय, भटके, आदिवासी, मागासवर्गीय हे सगळे आम्ही उपहिंदू आहोत.

....